გერონტი (ეპისკოპოსი)

დაბადების ადგილი: სოფელი კირბალი, ტფილისის გუბერნიის გორის მაზრა (ახლანდელი გორის მუნიციპალიტეტი). 
დაიბადა მღვდლის ოჯახში; განათლება მიიღო თბილისის სასულიერო სასწავლებელში; 1823 წლის 8 იანვრიდან იყო გორის სამაზრო სასულიერო სასწავლებლის მასწავლებელი; 1830 წლის 21 თებერვალს მიიღო სადიაკვნო ხელდასხმა; 1830 წლის 23 თებერვალს სამღვდელო; 1830 წლის 20 მარტიდან იყო გორის სასწავლებლის ინსპექტორი; 1836 წლის 3 ოქტომბერს აიყვანეს დეკანოზის ხარისხში; 1852 წლის 30 აგვისტოს ბერად აღიკვეცა, აყვანილ იქნა არქიმანდრიტის ხარისხში და დაინიშნა ხირსის სტეფანწმინდის მონასტრის წინამძღვრად; 1855 წლის 17 მარტს გადაიყვანეს დავით გარეჯის უდაბნოში; 1857 წლის 6 ოქტომბერს დაინიშნა აფხაზეთის, 1859 წლის 16 ნოემბერს - სამეგრელოს ეპისკოპოსად; 1862 წლის 19 მაისს - გორის ეპისკოპოსად; 1869 წლის 30 მაისს განწესდა გელათის მონასტრის სავანეში. საეკლესიო მოღვაწე, გორის ეპისკოპოსი, ქართლისა და კახეთის ეპარქიის ვიკარიუსი.

წყარო: რუსი მართლმადიდებელი იერარქები, 992-1892: ტ. I: azbyka.ru