მაკარ ბარბაქაძე

დაბადების ადგილი: სოფელი ქვედა საქარა, ზესტაფონის რაიონი.

დაამთავრა ამიერკავკასიის ინდუსტრიული ინსტიტუტის თბოენერგეტიკის ფაკულტეტი თბოენერგეტიკოსის კვალიფიკაციით 1935 წელს.

1927-1930წწ. მუშაობდა სეზონურ მუშად ზესტაფონის ფეროშენადნობთა ქარხანაში და სარკინიგზო-საგზაო სამმართველოში; ინსტიტუტის დამთავრების შემდეგ განაწილებული იქნა კრივოი როგის მეტალურგიული ქარხნის თბოელექტრო ცენტრალში (თეც), სადაც მუშობდა ბრიგადირად ტურბოგენერატორის მონტაჟზე, შემდეგ საქვაბე საამქროს ექსპლუატაციის ოსტატად; 1936 წელს გადაიყვანეს აფხაზეთში ტყვარჩელსრესმშენში; 3-თვიანი სტაჟირების (ქ. დონბასში) შემდეგ ჩააბარა გამოცდები სადგურის მორიგე ინჟინრის თანამდებობაზე და დაბრუნდა ტყვარჩელსრესში, სადაც მუშაობდა სამონტაჟო განყოფილების ინჟინრად, თბოძალოვანი მოწყობილობების მონტაჟის ინჟინრად, სატურბინო საამქროს ინჟინრად, სატურბინო საამქროს უფროსად; 1943-1948წწ. მუშაობდა თბილისში თბილთეცის მთავარ ინჟინრად; 1948-1961წწ. - რუსთავის მეტალურგიული ქარხნის თეცის მთავარ ინჟინრად; 1961-1963წწ. - თბილსრესის მშენებლობის დირექციის მთავარ ინჟინრად; 1963-1966წწ. - თბილსრესის ექსპლუატაციის მთავარ ინჟინრად; 1966 წლიდან - თბილისის თეცის მთავარ ინჟინრად და დირექტორის მოადგილედ. მიღებული აქვს სახელმწიფო ჯილდოები.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.28-29; წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 32