გიგლა დარსალია

დაბადების ადგილი: სოფელი ნაფიჩხოვო, ჩხოროწყუს რაიონი.

დაამთავრა საქართველოს პოლიტექნიკური ინსტიტუტი ინჟინერ-ენერგეტიკოსის კვალიფიკაციით 1962 წელს.

1962 წლიდან გარდაცვალებამდე მუშაობდა ინსტიტუტ "ენერგოქსელპროექტში" ინჟინრის, ჯგუფის ხელმძღვანელის, პროექტის მთავარი ინჟინრის, ელექტროგადამცემი ხაზების განყოფილების უფროსის თანამდებობებზე. მისი უშუალო მონაწილეობით განხორციელდა ელექტროგადამცემი ხაზების - 500 კვ. ძაბვის "თბილისი-ახალციხე-დიდი ზესტაფონი", "ენგურჰესი-ზესტაფონი" პირველი და მეორე ხაზები, "ენგურჰესი-სოხუმი-დაგომისი" (საქართველოს ტერიტორიაზე), "სტავროპოლის სრესი-ცენტრალური ენგურჰესი" (საქართველოს ტერიტორიაზე), აზერბაიჯანის სახელმწიფო რაიონული ელექტროსადგური - კასპი პროექტირება; პირველმა პოსტსაბჭოთა სივრცეში განახორციელა ელექტროსადენების ტროსული დაკიდება ანძების გარეშე უშუალოდ კლდეში ჩამაგრებით; აქტიურად მონაწილეობდა 1991-1992 წლების მოვლენების დროს დაზიანებული ელექტროგადამცემი ხაზების დაგეგმარებისა და აღდგენით სამუშაოებში; 1994 წელს გალის რაიონში, მიუხედავად ტერიტორიის დანაღმვისა, უშუალოდ ხელმძღვანელობდა "ვარდნილჰესი-ბათუმის" 220 კვ. ელექტროგადამცემი ხაზის აღდგენას; 1985-1988წწ. საწარმოო მივლინებით იმყოფებოდა კუბის რესპუბლიკაში 220 კვ. საჰაერო ელექტრული ხაზის დაგეგმარებასა და მშენებლობაზე საავტორო ზედამხედველობის გასაწევად; მისი მოღვაწეობა აისახა კუბის ხელმძღვანელობის წერილში, რომელიც მოყვანილია ინსტიტუტ "ენერგოქსელპროექტის" ისტორიის წიგნში "Луч солнца" (მოსკოვი, 2003 წ.).

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.54-55; წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 100-101

• 2006 - საქართველოს დამსახურებული ინჟინერი