რაჟდენ ებრალიძე

დაბადების ადგილი: ქ. ლანჩხუთი.

დაამთავრა ფოთის ვაჟთა გიმნაზია 1922 წელს; 1922-1924წწ. მსახურობდა საბჭოთა არმიაში; 1929 წელს დაამთავრა საქართველოს პოლიტექნიკური ინსტიტუტი და მიიღო ინჟინერ-ელექტრიკოსის კვალიფიკაცია.

სწავლის პერიოდში მუშაობდა თბილისის ელექტროქსელებში მოწყობილობების მემონტაჟედ, ელექტრომონტიორად; ინსტიტუტის დამთავრების შემდეგ - იქვე ელექტროგაზომვების და ელექტრომანქანების ლაბორატორიაში; 1930-1944წწ. მუშაობდა "საქენერგოში", "საქენერგოპროექტსა" და "ენერგოქსელპროექტში"; 1942-1943წწ. - მენჯი-ფოთის ელექტროგადამცემი ხაზის უფროს საქმის მწარმოებელად; 1945 წელს მონაწილეობდა გერმანიის საბჭოთა ზონაში ინჟინერ-მაიორის ჩინით სსრკ-ის ენერგეტიკის სამინისტროს ენერგომონტაჟის განსაკუთრებული სამმართველოს მიერ წარმოებულ აღდგენით სამუშაოებში; 1945 წლიდან ტრესტ "კავკასელექტროქსელმშენის" საპროექტო-სააღრიცხვო კანტორის მთავარი ინჟინერი იყო; 1960 წელს - ინსტიტუტ "საქენერგოპროექტის" მთავარი ინჟინერი; 1963 წლიდან - ინსტიტუტ "ელექტროქსელპროექტის" მთავარი ინჟინერი; 1949-1970წწ. - საქართველოს პოლიტექნიკური ინსტიტუტის ენერგეტიკის ფაკულტეტის ელექტრული ქსელებისა და სისტემების კათედრის უფროსი მასწავლებელი; 1979 წელს, პენსიაზე გასვლის შემდეგ მუშაობა გააგრძელა იმავე ორგანიზაციის ენერგოობიექტების დაგეგმარების ჯგუფის წამყვანი ინჟინრის თანამდებობაზე. მისი ხელმძღვანელობით და უშუალო მონაწილეობით დაგეგმარდა და აშენდა სრესის, მინგეჩაურჰესი-თბილსრესის, ენგურჰესი-ზესტაფონი-თბილსრესის, ენგურჰესი-სტავროპოლის, რუსთავი-გურჯაანის, ვარდნილჰესები-ბათუმის, ტყვარჩელსრესი-ბზიფის მაღალი ძაბვის ელექტროგადამცემი ხაზები. არის ქართულ ენაზე გამოქვეყნებული მონოგრაფიის "მთის ელექტროგადამცემი ხაზები" ავტორი. მიღებული აქვს სახელმწიფო ჯილდოები. შეტანილია სსრკ-ის ენერგეტიკისა და ელექტროფიკაციის ენციკლოპედიაში "საბჭოთა ენერგეტიკოსები".

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.58-59

• 1981 - საქართველოს დამსახურებული ინჟინერი

• სამთო ელექტროგადამცემი ხაზები : ძიებისა და პროექტირების თავისებურებანი (ავტორი). - თბილისი, საბჭ. საქართველო, 1961. - 62გვ.