დავით კლიმიაშვილი

დაბადების ადგილი: ქ. ქუთაისი.

დაამთავრა ამიერკავკასიის გზათა მიმოსვლის ინჟინერთა ინსტიტუტი 1934 წელს.

მუშაობა დაიწყო რკინიგზის ტრანსპორტზე; მუშაობდა სამხრეთ დონეცკის რკინიგზაზე, უკრაინაში, რუტჩენკოვის სავაგონო-სარემონტო უბნის უფროსად; რამდენიმე ხნის შემდეგ იგი დაბრუნდა საქართველოში და დაინიშნა ამიერკავკასიის რკინიგზის სამმართველოს სავაგონო სამსახურის უფროსის მოადგილედ, მთავარ ინჟინრად. დიდი წვლილი მიუძღვის ამიერკავკასიის რკინიგზის სავაგონო სამსახურის ტექნიკური ბაზის განვითარებაში; აქტიურად მონაწილეობდა რაციონალიზაციისა და გამომგონებლობის დანერგვაში; მისი უშუალო მონაწილეობით და ხელმძღვანელობით ბათუმის, სამტრედიის, თბილისის და ლენინაკანის სავაგონო დეპოებში დაინერგა დასავლეთ ციმბირის რკინიგზის დეპოს მოწინავე ტექნილოგია; მეორე მსოფლიო ომის დროს, 1943-1945წწ. მივლენილი იყო თეირანში და ზედამხედველობას უწევდა რკინიგზის ექსპლუატაციის პირობებს. სიცოცხლის ბოლო წლებში ხელმძღვანელობდა მუზეუმს, რომლის დაარსების საქმეში მას დიდი წვლილი მიუძღვოდა. მიღებული აქვს სახელმწიფო ჯილდოები. გამოჩენილი ქართველი ინჟინერი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.92-93

• საპატიო ნიშნის ორდენი
• საქართველოს დამსახურებული ინჟინერი