სერგო მაზმიშვილი

დაამთავრა საქართველოს პოლიტექნიკური ინსტიტუტის მეტალურგიის ფაკულტეტი 1957 წელს; 1969 წელს დაამთავრა თბილისის სახელმწიფო უნივერსიტეტის ქიმიის ფაკულტეტი.

მუშაობა დაიწყო პოლიტექნიკურ ინსტიტუტში "შავი ლითონების მეტალურგიის" კათედრაზე ასისტენტად. მისი მეცნიერული და პედაგოგიური მოღვაწეობა მთლიანად პოლიტექნიკურ ინსტიტუტს უკავშირდება; 1961-1969წწ. - კაზმის მომზადებისა და გადამუშვების პრობლემური ლაბორატორიის მთავარი ინჟინერი; 1969-1972წწ. - უფროსი მეცნიერ-თანამშრომელი და "შავი ლითონების მეტალურგიის" კათედრის დოცენტი; 1972-1974წწ. - აღნიშნული ლაბორატორიის სექტორი გამგე; 1977 წლიდან გარდაცვალებამდე - ლაბორატორიის ხელმძღვანელი და კათედრის პროფესორი. გამოქვეყნებული აქვს 200-ზე მეტი სამეცნიერო ნაშრომი. მას ეკუთვნის ფუნდამენტური გამოკვლევები სამხრეთ საქართველოში არსებული მანგანუმის საბადოს ირგვლივ. მეტალურგი, ტქნიკურ მეცნიერებათა დოქტორი (1997), პროფესორი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.103

• უკრაინის უმაღლესი სკოლის აკადემია, საპატიო წევრი (2002-)

• ღირსების ორდენი
• ღირსების მედალი
• გიორგი ნიკოლაძის სახელობის მედალი