ჯიმშერ პეტრიაშვილი

დაბადების ადგილი: სოფელი ზემო ხოდაშენი, ახმეტის რაიონი.

დაამთავრა საქართველოს პოლიტექნიკური ინსტიტუტი 1955 წელს.

დაიწყო მუშაობა "საქმთავარენერგოს" ცენტრალურ ლაბორატორიაში. აქ მან განვლო გზა რიგითი ინჟინრიდან ავტომატიკის სამსახურის უფროსამდე. მას მრავალ მნიშვნელოვან ენერგოობიექტზე მოუწია მუშაობა - ლაჯანურჰესი, ხრამჰესი-I, ხრამჰესი-II, შაორჰესი, დიდი ნავთლუღის 220 კვ. ელექტროქვესადგური, 220 კვ. და 500 კვ. ელექტროგადამცემი ხაზების და ელექტროქვესადგურების მშენებლობა და ამოქმედება. მისი ხელმძღვანელობით განხორციელდა ჰესების დისტანციურ-ავტომატიზებული მართვა; თითქმის 15 წლის განმავლობაში ხელმძღვანელობდა "თბილსრესს"; მისი ძალისხმევით ამოქმედდა ექვსი ენერგობლოკი და "თბილსრესი" მაშინ ყველაზე მძლავრი და საიმედო ელექტროსადგური გახდა მთელ კავკასიაში, რომელიც წელიწადში რვა მილიარდამდე კილოვატსაათ ელექტროენერგიას გამოიმუშავებდა; უკანაკნელ ხანს "საცხენჰესის" ტექნიკურ დირექტორად მუშაობდა. მიღებული აქვს სახელმწიფო ჯილდოები. გამოჩენილი ქართველი ენერგეტიკოსი.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.120-121

• ღირსების ორდენი
• საქართველოს დამსახურებული ენერგეტიკოსი
• საქართველოს დამსახურებული ინჟინერი