შალვა სირაძე

დაბადების ადგილი: სოფელი პირველი ტოლა, ქუთაისის გუბერნიის რაჭის მაზრა.

დაამთავრა ქუთაისის რეალური სასწავლებელი 1921 წელს; იმავე წელს ჩააბარა თბილისის პოლიტექნიკუმში; 1922 წელს სასწავლებლად გადავიდა თბილისის სახელმწიფო უნივერსიტეტის პოლიტექნიკურ ფაკულტეტზე. სტუდენტურ გამოსვლებში მონაწილეობის გამო ორჯერ - 1922 და 1924 წლებში - იყო დაპატიმრებული. სწავლა განაგრძო 1925 წელს და დაამთავრა საქართველოს პოლიტექნიკური ინსტიტუტი ინჟინერ-კონსტრუქტორის სპეციალობით 1931 წელს.

1934 წლიდან მუშაობდა საქართველოს პოლიტექნიკურ ინსტიტუტში სამშენებლო კათედრაზე ჯერ ასისტენტად, შემდეგ - დოცენტად; 1956 წლიდან გარდაცვალებამდე - პროფესორად; 1942-1946წწ. შეთავსებით ლექციებს კითხულობდა თბილისის რკინიგზის ტრანსპორტის ინჟინერთა ინსტიტუტში; თითქმის 50 წლის მანძილზე საქართველოს პოლიტექნიკურ ინსტიტუტში კითხულობდა ლექციებს სხვადასხვა დისციპლინაში; იყო ადგილობრივი მეურნეობის სამინისტროს სამეცნიერო-ტექნიკური საბჭოს სწავლული მდივანი, მინისტრთა საბჭოს სამშენებლო კომიტეტის ექსპერტი, უმაღლესი და საშუალო განათლების კომიტეტის სამეცნიერო-მეთოდური საბჭოს წევრი. ავტორია მრავალი სამეცნიერო ნაშრომისა, რომლებიც უშუალოდ პრაქტიკაში იყო გამოყენებული, აგრეთვე ავტორია სამი სახელმძღვანელოსი. მიღებული აქვს სახელმწიფო ჯილდოები.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.132-133

• 1961 - საქართველოს დამსახურებული ინჟინერი

• მეთოდური მითითებანი მშენებლობის ორგანიზაციის საკურსო პროექტის დამუშავებისათვის : სამშენებლო ფაკ-ტის სამოქალაქო და სამრეწველო მშენებლობის სპეც. სტუდენტებისათვის (თანაავტორი). - თბილისი, საქართველოს პოლიტექნ. ინ-ტი, 1974. - 48გვ.
• ძირითადი სამშენებლო ლაქ-საღებავი და გასაკრავი მასალები : დამხმარე სახელმძღვ. პოლიტექნ. ინ-ტის სამშენებლო ფაკ-ტის სტუდენტებისათვის (ავტორი). - თბილისი, განათლება, 1966. - 63გვ.
• ძირითადი საშენი მასალები და ნაკეთობანი: ტექნოლოგია, თვისებები, გამოყენება : დამხმ. სახელმძღვ. (თანაავტორი). - თბილისი, საბჭ. საქართველო, 1963. - 298გვ.