კარლო უჩანეიშვილი

დაბადების ადგილი: სოფელი ქარიატი, ხობის რაიონი.

დაამთავრა საქართველოს პოლიტექნიკური ინსტიტუტი ინჟინერ-გეოლოგის კვალიფიკაციით 1948 წელს.

მუშაობა დაიწყო მინერალური ნედლეულის საკავშირო სამეცნიერო-კვლევითი ინსტიტუტის თბილისის ფილიალში უმცროსი მეცნიერ-თანამშრომლის თანამდებობაზე; 1950 წელს იგი ჩაირიცხა ქ. მოსკოვში მინერალური ნედლეულის საკავშირო სამეცნიერო-კვლევითი ინსტიტუტის ასპირანტურაში; 1954 წელს დაიცვა დისერტაცია გეოლოგია-მინერალოგიის მეცნიერებათა კანდიდატის სამეცნიერო ხარისხის მოსაპოვებლად და იმავე წელს მიენიჭა უფროსი მეცნიერ-თანამშრომლის წოდება; 1956 წელს იგი მივლინებული იყო ჩინეთის სახალხო რესპუბლიკაში სამეცნიერო-ტექნიკური დახმარების მიზნით, სადაც სამი წლის მანძილზე ხელმძღვანელობდა საძიებო-გეოლოგიურ სამუშაოებს ჩინეთის ტერიტორიაზე ურანის მადნის მოსაპოვებლად; 1959 წელს ის კონკურსით არჩეულ იქნა ყაზახეთის მინერალური ნედლეულის სამეცნიერო-კვლევითი ინსტიტუტის მინერალოგიისა და პეტროგრაფიის მიმართულების ერთ-ერთი ლაბორატორიის ხელმძღვანელად, მას მინდობილი ჰქონდა განსაკუთრებული სახელმწიფოებრივი მნიშვნელობის სამეცნიერო პრობლემის გადაწყვეტა. 36 წლის ასაკში ტრაგიკულად დაიღუპა.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.137-138

• ჩინეთის სახალხო რესპუბლიკის უმაღლესი ორდენი