დიმიტრი ქართველიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი.

1951–1971წწ. ქუთაისის ავტოქარხანაში სხვადასხვა საინჟინრო თანამდებობებზე მუშაობდა. ამ პერიოდში მისი უშუალო ხელმძღვანელობით დამუშავებული და წარმოებაში დანერგილი იქნა მრავალი ახალი ტიპის ორიგინალური სამანქანო ნაწილი და საავტომობილო მექანიზმი; 1971–1975წწ. ქუთაისის საქალაქო საბჭოს თავმჯდომარე; 1975–1979წწ. პარტიულ და აღმასრულებელ თანამდებობებზე მუშაობდა; 1979–1982წწ. მინისტრთა საბჭოს თავმჯდომარის მოადგილე; 1982-1986წწ. საქართველოს მინისტრთა საბჭოს თავმჯდომარე; თავმჯდომარის პოსტიდან წასვლის შემდეგ სხვადასხვა თანამდებობებზე მუშაობდა, მათ შორის, იყო სსრკ სახსტანდარტის საქართველოს სამმართველოს უფროსი. მიღებული აქვს სახელმწიფო ჯილდოები.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.143; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.198

• საქართველოს ეროვნული აკადემია, საპატიო აკადემიკოსი

• 1997 - ღირსების ორდენი
• საქართველოს დამსახურებული ინჟინერი