გრიგოლ ქორიძე

დაბადების ადგილი: სოფელი საჭამიასერი, ჩოხატაურის რაიონი.

დაამთავრა მოსკოვის უმაღლესი ტექნიკური სასწავლებელი ჰიდროტექნიკური მშენებლობის სპეციალობით 1928 წელს.

1926-1927წწ. სტუდენტ-პრაქტიკანტმა, მუშაობა დაიწყო ჯერ აჭარისწყლის ჰიდროელექტროსადგურის, შემდეგ ერთ-ერთი უდიდესი ჰიდროელექტროსადგურის - დნეპროჰესის მშენებლობაზე; 1929 წელს იგი გააგზავნეს ჩრდილოეთ კავკასიაში - გიზელდონის ჰიდროელექტროსადგურის მშენებლობაზე ინჟინრად; 1930 წელს - ბერლინში, ჰიდროენერგეტიკულ მშენებლობათა გასაცნობად; 1931 წელს დანიშნეს ერთ-ერთი პირველი ჰიდროელექტროსადგურის აჭჰესის მშენებლობის უფროსად და ერთდროულად მთავარ ინჟინრად. 1937 წელს დააპატიმრეს და დახვრიტეს. ბრალად ედებოდა მემარჯვენეთა კ/რ დივერსიული, ტერორისტული და ჯაშუშური ორგანიზაციის წევრობა. რეაბილიტირებულია 1955 წელს.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.143-144