ფარნაოზ ყარალაშვილი

დაბადების ადგილი: სოფელი ართანა, ახლანდელი თელავის მუნიციპალიტეტი.

დაამთავრა თელავის გიმნაზია.

თავად რევაზ მიხეილის ძე ყარალაშვილის შვილი; 1917 წელს მოხალისედ მსახურობდა ლაგოდეხში; 1918-1921წწ. იყო საქართველოს რესპუბლიკის ჯარში (მე-6 პოლკში) პორუჩიკის ჩინით; საქართველოს გასაბჭოების შემდეგ იყო საქართველოს წითელი არმიის 1-ლი ქართული პოლკის უფროსის თანაშემწე; 1922 წლის სექტემბერში ის იყო ძეგვის ხიდზე მდგომ ტყვიისმფრქვეველთა რაზმის უფროსი; კავშირი დაამყარა მიხეილ ლაშქარაშვილის პარტიზანულ რაზმთან; იყო საქართველოს დამოუკიდებლობის კომიტეტის მიერ შექმნილი "სამხედრო ცენტრის" უპარტიო წევრი; 1923 წელს ჩეკამ დააპატიმრა და თბილისში, დღევანდელი ვაკის პარკის ტერიტორიაზე სამხედრო ცენტრის სხვა 14 წევრთან ერთად დახვრიტა. ოფიცერი.

წყარო: ინფორმაციის თავისუფლების განვითარების ინსტიტუტი: 1923 წელს დახვრეტილი ქართველი სამხედროები: idfi.ge