მალხაზ ყიფშიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სპეციალობით ინჟინერ-თბოენერგეტიკოსი 1960 წელს.

მუშაობდა საქართველოს მეცნიერებათა აკადემიის ენერგეტიკის ინსტიტუტის სათბობის წვისა და თბოგადაცემის ლაბორატორიაში უმცროს მეცნიერ-თანამშრომლად; 1962-1966წწ. სწავლობდა გ. კრჟიჟანოვსკის სახელობის ენერგეტიკის სამეცნიერო-კვლევით ინსტიტუტში; 1965-1971წწ. თბილისის სტაბილური იზოტოპების სამეცნიერო-კვლევითი ინსტიტუტი, უმცროსი, უფროსი მეცნიერ-თანამშრომელი; 1970-1977წწ. საქართველოს პოლიტექნიკური ინსტიტუტის თბოენერგეტიკული დანადგარების კათედრის დოცენტი; 1977-2006წწ. ამავე ინსტიტუტის კათედრის გამგე; 1980 წელს აირჩიეს ატომური ენერგიის სხელმწიფო კომიტეტთან არსებული ატომბირთვული ენერგიის მშვიდობიანი მიზნით გამოყენების საკავშირო საკოორდინაციო საბჭოს წევრად; წლების განმავლობაში იყო ხარისხების მიმნიჭებელი საბჭოების წევრი და თავმჯდომარე; 1987 წელს აირჩიეს ენერგეტიკის საკავშირო მეცნიერებათა აკადემიის პრეზიდიუმთან არსებული ენერგეტიკის პრობლემების სამეცნიერო საბჭოს წევრად. აქტიურად მონაწილეობდა ქვეყნის საზოგადობრივ ცხოვრებაში; ორჯერ იყო არჩეული სახალხო დეპუტატთა საბურთლოს რაიონული საბჭოს დეპუტატად; 1998-2000წწ. საქართველოს სათბობ-ენერგეტიკის მინისტრის პირველი მოადგილე. მისი ხემძღვანელობით შესრულებულმა სამუშაოებმა პრაქტიკული გამოყენება პოვეს ატომურ და ორგანულ სათბობზე მომუშავე თბოელექტროსადგურების უსაფრთხო ექსპლუატაციის სისტემების დამუშავებასა და შექმნაში. არის 200-ზე მეტი შრომის ავტორი, მათ შორის, 3 მონოგრაფია, 9 სახელმძღვანელო და დამხმარე სახელმძღვანელო. ტექნიკურ მეცნიერებათა დოქტორი (1984), პროფესორი (1986).

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.148-149; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• საქართველოს ენერგეტიკის აკადემია, აკადემიკოსი
• საქართველოს საინჟინრო აკადემია, წევრი

• 1998 - ღირსების მედალი
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისათვის

• მყარი სათბობის წვის პროგრესული ტექნოლოგიები და ენერგეტიკის განვითარების პერსპექტივები საქართველოში : მონოგრაფია (თანაავტორი). - თბილისი, ტექნ. უნ-ტი, 2007. - 225გვ.. - ISBN: 9789994095704
• საქვაბე დანადგარების ხურების ზედაპირები, თბური სქემა და აირჰაერული ტრაქტის აეროდინამიკა : დამხმ. სახელმძღვანელო (ავტორი). - თბილისი, ტექნ. უნ-ტის გამ-ბა, 1997. - 100გვ.
• საქვაბე დანადგარების მახასიათებლები და კონსტრუქციები : დამხმ.სახელმძღვ. (ავტორი). - თბილისი, ტექნ. უნ-ტის გამ-ბა, 1996. - 84გვ.
• სამრეწველო საწარმოთა საქვაბე დანადგარები : დამხმ. სახელმძღვ. (ავტორი). - თბილისი, საქ. ვ.ი. ლენინის სახ. პოლიტექნ. ინ-ტი, 1989. - 148გვ.
• სათბობი და წვის თეორია : დამხმ. სახელმძღვ. (თანაავტორი). - თბილისი, საქ. პოლიტექნ. ინ-ტი, 1988. - 95გვ.
• ენერგეტიკული დანადგარები (თბოენერგეტიკული დანადგარები და თბომომარაგება) : სახელმძღვ. პოლიტექნ. ინ-ტის სტუდ. (თანაავტორი). - თბილისი, განათლება, 1987. - 447გვ.