მიხეილ შალიკაშვილი

დაბადების ადგილი: სტავროპოლის პროვინცია, რუსეთი.

დაამთავრა პოლტავის კადეტთა კორპუსის გენერალური შტაბის აკადემია.

მიხეილ შალიკაშვილი (შალიკოვი) დაიბადა ემიგრანტი ქართველების ოჯახში. ჯარში მსახურობდა 1850 წლიდან. მონაწილეობა მიიღო ყირიმის 1853–1856 წლების ომებში. 1860 წლის 6 დეკემბრიდან იყო ყირიმის ქვეითი პოლკის მეთაური; 1863 წლის 17 აპრილიდან მე -19 ქვეითი დივიზიის შტაბის უფროსი, 1867 წლის 10 დეკემბრიდან დაღესტნის დარგინსკის რაიონის გამგებელი. 1869 წლიდან იყო სარეზერვო ჯარებში. 1869 წლიდან ხელმძღვანელობდა მე -19 ქვეითი დივიზიის შტაბს, 1874 წლის 13 იანვრიდან - სტავროპოლის 75-ე ქვეითი პოლკის მეთაურია; 1875 წლის 30 აგვისტოდან - შტაბის უფროსის თანაშემწე; 1877 წლიდან კი შტაბის უფროსი. 1878 წლის 17 მაისიდან იყო ქუთაისისა და გურიის ფეხოსანთა რაზმის გაერთიანებული ბრიგადის მეთაური. 1878–1898 წლებში ერევნის გუბერნატორი; 1888–1897 წლებში კი ქუთაისის სამხედრო გუბერნატორი; 1898 წლის 30 მაისიდან  - ვილნას სამხედრო ოლქის მეთაური. მიღებული ჰქონდა უმაღლესი ჯილდო - სამეფო კარის მადლობა შესანიშნავი, გულმოდგინე და სასარგებლო სამსახურისთვის 1877-1878 წლის ომის დროს (1879, 1882), თეთრი არწივის ორდენი (1889), სამკერდე ნიშანი 50 წლიანი უმწიკვლო სამსახურისთვის (1900); II ხარისხის საიმპერატორო გვირგვინი (1862) და I ხარისხის საიმპერატორო გვირგვინი ხმლებით (1877). მას ჰქონდა სხვა ქვეყნების წოდებებიც: "ლომი და მზე" (სპარსეთი, 1889); "იტალიის გვირგვინი" (1890); "ამომავალი ვარსკვლავი" I ხარისხის (ბუხარა, 1894). გენერალ-მაიორი (1878 წლის 17 მარტი); ინფანტერიის გენერალი (1898). 1890-1898 წლებში ქუთაისის გუბერნიის სამხედრო გუბერნატორი და ჯარების სარდალი.

წყარო: მემატიანე.ჯი : შექმენი საკუთარი ისტორია: mematiane.ge

• 1877 - წმინდა ანას II ხარისხის ორდენი (ხმლებით და ბაფთით)
• 1877 - წმინდა სტანისლავის I ხარისხის ორდენი (ხმლებით)
• 1877 - წმინდა ვლადიმირის I ხარისხის ორდენი (ხმლებით)
• 1877 - წმინდა ვლადიმირის III ხარისხის ორდენი
• 1872 - წმინდა ვლადიმირის IV ხარისხის ორდენი
• 1861 - წმინდა ანას III ხარისხის ორდენი (ხმლებით და ბაბთით )
• 1861 - წმინდა სტანისლავის II ხარისხის ორდენი (ხმლებით)