სოლომონ შარაშენიძე

დაბადების ადგილი: ქ. ბათუმი.

დაამთავრა საქართველოს ინდუსტრიული ინსტიტუტის მეტალურგიის ფაკულტეტი 1937 წელს.

ინსტიტუტის დამთავრების შემდეგ მუშაობა დაიწყო "ზაპაროჟსტალის" მეტალურგიული ქარხნის მარტენის საამქროს ცვლის ინჟინრად; შემდეგ, მუშაობდა ზესტაფონის ფეროშენადნობთა ქარხანაში ჯერ როგორც ცვლის უფროსი, ხოლო შემდეგ, უფროსი ინჟინერი; მეორე მსოფლიო ომის  მონაწილე; ომიდან დაბრუნების შემდეგ, მუშაობა დაიწყო საქართველოს მეცნიერებათა აკადემიის ლითონისა და სამთო საქმის ინსტიტუტში; 1946 წლიდან მისი ცხოვრება მთლიანად რუსთავის მეტალურგიულ ქარხანას დაუკავშირდა; 1965-1970წწ. - ქარხნის დირექტორი. მის სახელთან არის დაკავშირებული მარტენის საამქროში პირველი ღუმელის ამუშავება და ქართული ფოლადის უწყვეტი ნაკადის დაბადება, ევროპაში პირველად საგლინავ დგან "400"-ის სრული კომპლექსური ავტომატიზაციის განხორციელება, ქარხნის მეცნიერებისა და ტექნიკის საცდელ პოლიგონად ქცევა, ქარხნის ბაზაზე ქიმიურ-მეტალურგიული ტექნიკუმის გახსნა და სხვ.; 1963-1965წწ. - საქართველოს სახალხო მეურნეობის საბჭოს თავმჯდომარის მოადგილე; 1970-1971წწ. მივლინებით ინდოეთში იმყოფებოდა, ქალაქ ბოკარიოში მშენებარე მეტალურგიული ქარხნის მთავარ კონსტულტანტად და საბჭოთა სპეციალისტების ჯგუფის ხელმძღვანელად. მიღებული აქვს სახელმწიფო ჯილდოები. მეტალურგიული დარგის ცნობილი ინჟინერი, საზოგადო მოღვაწე.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.151-153

• 1961 - საქართველოს დამსახურებული ინჟინერი

• აგლომერაციულ კაზმში კოქსწვრილას შეცვლა ნავთობური კოქსწვრილათი რუსთავის მეტალურგიულ ქარხანაში (თანაავტორი). - თბილისი, 1969. - 15გვ.
• რუსთავის მეტალურგიული ქარხნის მილსაგლინავ აგრეგატ "400"-ის კომპლექსური ავტომატიზაცია (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1962. - 7გვ.