ადოლფ ხუროძე

დაბადების ადგილი: ქ. წულუკიძე.

დაამთავრა საქართველოს ინდუსტრიული ინსტიტუტი 1941 წელს.

მუშაობა დაიწყო "საქჩაის" ტრესტის მახარაძის სამონტაჟო-ტექნოლოგიურ საწარმოში ინჟინერ-ელექტრიკოსად; 1942 წლიდან თბილისის ჩაის საწონი ფაბრიკის უფროსი ინჟინერი; 1946 წლიდან ამავე ფაბრიკის მთავარი ინჟინერი; 1953 წლიდან "საქჩაის" ტრესტის მმართველის მოადგილე; 1957 წლიდან ამავე ტრესტის მმართველი. მისი ინიციატივითა და უშუალო ხელმძღვანელობით ჩაის მრეწველობაში დაინერგა საწარმოო პროცესების კომპლექსური მექანიზაცია და ჩაის წარმოების ახალი ტექნილოგია. ამ დარგში იგი ავტორია ფუნდამენტური შრომებისა: "ჩაის საწარმოო პროცესების მექანიზაცია და ავტომატიზაცია", "ჩაის კომბინირებული წარმოება" და სხვ. მისი ინიციატივით და ხელმძღვანელობით დამუშავდა და განხორციელდა ღონისძიებები საკუთარი გამოგონებების დასანერგად; 1963-1965წწ. საქართველოს სსრ სახალხო მეურნეობის საბჭოს თავმჯდომარის მოადგილე; 1965-1971წწ. საქართველოს სსრ ხორცისა და რძის მრეწველობის მინისტრი; 1971-1974წწ. საქართველოს სსრ კვების მრეწველობის მინისტრი; 1974-1984წწ. თბილისის საწარმოო გაერთიანება "ელექტროაპარატის" გენერალური დირექტორი; 1984-1985წწ. - საქართველოს სსრ სასოფლო-სამეურნეო წარმოების სახელმწიფო კომიტეტის "საქსოფლმრეწვის" გაერთიანების თავმჯდომარე. მიღებული აქვს სახელმწიფო ჯილდოები. გამოჩენილი სახელმწიფო და საზოგადო მოღვაწე.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.171-172

• საქართველოს დამსახურებული ინჟინერი