ჯემალ ხუბუა

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი ბირთვული ფიზიკის სპეციალობით 1962 წელს.

მუშაობა დაიწყო თბილისის სახელმწიფო უნივერსიტეტის ბირთვული ფიზიკის კათედრაზე; 1974-1995წწ. უმცროსი მეცნიერ-თანამშრომელი, უფროსი მეცნიერ-თანამშრომელი; ამავე პერიოდში ეწეოდა სამეცნიერო-პედაგოგიურ მოღვაწეობას თბილისის სახელმწიფო უნივერსიტეტის მაღალი ენერგიების ინსტიტუტსა და ფიზიკის ფაკულტეტზე; 1994 წლიდან - მაღალი ენერგიების ფიზიკის ინსტიტუტის მთავარი მეცნიერ-თანამშრომელი; მისი სამუშაო გამოცდილება დაკავშირებულია მრავალ საერთაშორისო პროგრამებში მონაწილეობასთან; სამეცნიერო ინტერესების სფეროს წარმოადგენს ფიზიკური ექსპერიმენტები, დანადგარების შექმნა და ექსპერიმენტალური მონაცემების მიღება და ანალიზი; მიღებული აქვს მონაწილეობა სხვადასხვა საერთაშორისო კონფერენციებში (ჟენევა, დუბნა, ათენი, რომი და სხვა); საქართველოში ჩატარებული საერთაშორისო კონფერენციების ციკლის (2001-2014), "ფიზიკა მომავალ კოლაიდერებზე" დამაარსებელი და ხელმძღვანელი; კითხულობს ლექციებს თბილისის სახელმწიფო უნივერსიტეტსა და საქართველოს ტექნიკურ უნივერსიტეტებში; 2012 წლიდან მაღალი ენერგიების ინსტიტუტის სამეცნიერო საბჭოს წევრი; პოპულარულ საერთაშორისო ჟურნალებში გამოქვეყნებული აქვს 850-ზე მეტი სამეცნიერო ნაშრომი. ფიზიკა-მათემატიკის მეცნიერებათა დოქტორი (1995), პროფესორი  (1996). 

საკანდიდატო დისერტაციის თემა - "5 გევ/c იმპულსის π-მეზონების ნახშირბადის ბირთვებთან კოჰერენტული ურთიერთქმედების შესწავლა", დაიცვა 1974 წელს; სადოქტორო დისერტაციის თემა - "პიონების დაბადებისა და კორელაციების ექსპერიმენტული კვლევა π-C და π-N ურთიერთქმედებებში და Κe3 დაშლების ფორმ-ფაქტორების განსაზღვრა", დაიცვა 1995 წელს. 

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.63; science.org.ge