ელიზბარ ელიზბარაშვილი

დაამთავრა საქართველოს ტექნიკური უნივერსიტეტის ქიმიური და ბიოლოგიური ტექნოლოგიის ფაკულტეტი 1993 წელს; საქართველოს ტექნიკური უნივერსიტეტის ორგანული ქიმიის კათედრაზე ასპირანტურა - 1998 წელს.

1992-1999წწ. - საქართველოს ტექნიკური უნივერსიტეტი, ორგანული ქიმიის კათედრა, უფროსი ლაბორანტი; 2000-2006წწ. - საქართველოს ტექნიკური უნივერსიტეტი, არაორგანულ ნივთიერებათა ტექნოლოგიისა და საყოფაცხოვრებო მასალების ქიმიის კათედრა, დოცენტი; 1999-2006წწ. - ორგანული ქიმიის კათედრა, დოცენტი; 2007 წელს - ქიმიური ტექნოლოგიისა და მეტალურგიის ფაკულტეტის ხარისხის უზრუნველყოფის სამსახურის ხელმძღვანელი; 2007-2011წწ. - ხარისხის უზრუნველყოფის სამსახურის მონიტორინგის ჯგუფის ხელმძღვანელი; 2006 წლიდან - საქართველოს ტექნიკური უნივერსიტეტი, ორგანული ქიმიის კათედრა, პროფესორი; 2011-2012წწ. -  საქართველოს განათლებისა და მეცნიერებათა სამინისტროს მასწავლებელთა პროფესიული განვითარების ეროვნული ცენტრის ქიმიის კონსულტანტი; 2012 წელს -შპს "ბერტას" ტექნოლოგიური დეპარტამენტის უფროსი; 2013 წლიდან - საქართველოს აგრარული უნივერსიტეტის ქიმიისა და მოლეკულური ინჟინერიის ორგანულ და მაღალმოლეკულურ ნაერთთა ქიმიის ლაბორატორიის ხელმძღვანელი. კვლევის სფერო: რამოდენიმე პირიდონის რგოლის შემცველი ფლოურესცენსიული საღებრების სინთეზი, თვისებების შესწავლა და გამოყენება დეფექტროსკოპიაში; ეგზოციკლური და ციკლური აზომეთინური საღებრების სინთეზი, თვისებები და გამოყენება; ფოტოანიზოტროპული თვისებების მქონე საღებრების სინთეზი, თვისებების კვლევა და გამოყენება ოპტიკური დამამახსოვრებელ მოწყობილობებში; ახალი აზოსაღებრების სინთეზი ფაზათშორისი კატალიზის პირობებში; ორი ან მეტი აქტიური ცენტრის მქონე ახალი ფაზათშორისი კატალიზატორები; სხვადასხვა კლასის საღებრების მდგრადობის შესწავლა ოზონის ზემოქმედების მიმართ, ოზონის დოზიმეტრია. 38 სმეცნიერო სტატიის, 1 პატენტის, 7 სახელმძღვანელოს, 6 ელექტრონული წიგნის ავტორი. ქიმიის მეცნიერებათა დოქტორი (2006), პროფესორი.

საკანდიდატო დისერტაციის თემა - "ზოგიერთი აზოსაღებრის არატრადიციული მეთოდით მიღება და მდგრადობის შესწავლა", დაიცვა 1998 წელს; სადოქტორო დისერტაციის თემა - "აზო, აზომეთინური და პირიდონული ჯგუფის შემცველი ფუნქციური საღებრების სინთეზი და კვლევა", დაიცვა 2006 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.76; საქართველოს პროფესიონალ ქიმიკოსთა ასოციაცია: chemistry.ge; საქართველოს ტექნიკური უნივერსიტეტი: gtu.ge

• საქართველოს პროფესიონალ ქიმიკოსთა ასოციაცია, წევრი

• ქიმია ყველასათვის (ავტორი). - თბილისი, ინტელექტი, 2013. - 190გვ.. - ISBN: 9789941446658
• სპექტრომეტრული მეთოდების გამოყენება ორგანულ ქიმიაში : დამხმ. სახელმძღვ. ქიმ. და ბიოლ. ფაკ. სტუდ. (თანაავტორი). - თბილისი, ტექნ. უნ-ტი, 2005. - 161გვ. . - ISBN: 9994035835
• ორგანული სინთეზი : დამხმარე სახელმძღვანელო ქიმ. ფაკ. სტუდენტებისათვის (თანაავტორი) // ნაწ. 3. - თბილისი, ტექნ. უნ-ტი, 2005. - 63გვ.. - ISBN: 9994040448
• ორგანული სინთეზი : დამხმარე სახელმძღვანელო ქიმ. ფაკ. სტუდენტებისათვის (თანაავტორი) // ნაწ. 2. - თბილისი, ტექნ. უნ-ტი, 2005. - 88გვ.. - ISBN: 9994040375
• ორგანული ქიმიის პრაქტიკუმი (თანაავტორი) // ნაწ. 3 . - თბილისი, ტექნ. უნ-ტი, 2005. - 76გვ.. - ISBN: 9994040685
• ორგანული სინთეზი : დამხმარე სახელმძღვანელო ქიმ. ფაკ. სტუდენტებისათვის (თანაავტორი) // ნაწ. 1. - თბილისი, ტექნ. უნ-ტი, 2005. - 112გვ.. - ISBN: 9994040383
• ქიმია და პერსონალური კომპიუტერი : დამხმ. სახელმძღვ. სტუ-ს სტუდ. (ავტორი). - თბილისი, ტექნ. უნ-ტი, 2005. - 170გვ.