ზურაბ გეგენავა

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტი ინჟინერ-ეკონომისტის სპეციალობით 1995 წელს.
1993-1995წწ. იყო საქართველოს ახალგაზრდობის საერთაშორისო ფონდი "პროგრამა ხსოვნას კოორდინატორი"; 1994-1996წწ. საერთაშორისო სატელევიზიო ფესტივალ "მანას" ვიცე-პრეზიდენტი; 1995-1996წწ. მუშაობდა ვიცე-პრემიერის თანაშემწედ ქალაქ თბილისის მუნიციპალიტეტში; 1996-1997წწ. საქართველოს სახელმწიფო კანცელარიაში სახელმწიფო მინისტრის მოადგილის თანაშემწე; 2000-2003წწ. საქართველოს ტელე-რადიო მაუწყებლობის თავმჯდომარის სამდივნოს უფროსი; 2003-2004წწ. საქართველოს ტელე-რადიო მაუწყებლობის ადმინისტრაციის უფროსი; 2004-2005წწ. საქართველოს საზოგადოებრივი ტელე-რადიო მაუწყებლობის ტექნიკური დეპარტამენტის დირექტორი; 2005-2006წწ. საქართველოს საზოგადოებრივი ტელე-რადიო მაუწყებლობის სერვის ცენტრის დირექტორი.
2006 წელს დააარსა კომპანია "ინოვატორი" (ყოფილი "ინდენტი"), რომელიც სატელეკომუნიკაციო სფეროში მუშაობს, მისი ძირითადი მიმართულებებია: თანამედროვე სამაუწყებლო ტექნიკის დისტრიბუცია, სისტემური ინტეგრაცია, საგარანტიო და პოსტსაგარანტიო მომსახურება; 2010 წელს დააარსა ინოვაციური ტექნოლოგიების საერთაშორისო ფონდი (IFIT), რომლის მიზანია საქართველოსა და კავკასიის რეგიონში ხელი შეუწყოს თანამედროვე ინოვაციური ტექნოლოგიების დანერგვასა და განვითარებას; 2009 წელს დააარსა კინო და ტელეოპერატორების საერთაშორისო ფესტივალი "ოქროს თვალი", რომლის მიზანია მოტივაცია მისცეს ოპერატორებს, ტელე და კინო ინდუსტრიაში მომუშავე ადამიანებს და ხელი შეუწყოს მათ პროფესიულ განვითარებას; 2014 წელს დააარსა სამაუწყებლო ტექნიკის საერთაშორისო გამოფენა, რომელიც ფესტივალ "ოქროს თვალის" ფარგლებში გაიმართა. კომპანია "ინოვატორის" გენერალური დირექტორი.