ანზორ გაბისიანი

დაამთავრა ქ. მოსკოვის ფოლადისა და შენადნობების ინსტიტუტი, მეტალურგიის ფაკულტეტი, ინჟინერ-მეტალურგის კვალიფიკაციით 1956 წელს.

1956-1958წწ. - რუსთავის მეტალურგიული ქარხანა, ცენტრალური ლაბორატორიის ინჟინერი, ცვლის ოსტატი; 1958-1961წწ. - საქართველოს მეცნიერებათა აკადემიის მეტალურგიის ინსტიტუტი, ასპირანტი; 1962-2006წწ. - საქართველოს მეცნიერებათა აკადემიის მეტალურგიის ინსტიტუტი, უმცროსი მეცნიერ-თანამშრომელი, უფროსი მეცნიერ-თანამშრომელი, ლაბორატორიის გამგე; 2006 წლიდან - სსიპ ფერდინანდ თავაძის მეტალურგიისა და მასალათმცოდნეობის ინსტიტუტი, მთავარი მეცნიერ-თანამშრომელი, მთავარი მკვლევარი სპეციალისტი. ჩატარებული აქვს მრავალი სახელშეკრულებო სამუშაო მოსკოვის და კიევის სათანადო პროფილის საკვლევ-სამეცნიერო ინსტიტუტებთან და ყოფილი საბჭოთა კავშირის მეტალურგიულ ქარხნებთან, მათ შორის, რუსთავის მეტალურგიულ ქარხანასთან (1962-20016წწ.). სამეცნიერო ინტერესები: სპეციალური დანიშნულების ლეგირებული ფოლადების დნობა, ჩამოსხმა, კვლევა. თანაავტორია 120 სამეცნიერო ნაშრომისა და 1 სახელმძღვანელოსი - "ფოლადის მეტალურგია"; მონაწილეობდა საერთაშორისო, საკავშორო და რესპუბლიკურ კონფერენციებში. 24 გამოგონება (პატენტი), ერთი პატენტის ლიცენზია გაყიდულია გერმანიის ფედერაციულ რესპუბლიკაში ღირებულებით ერთი მილიონი მარკა (1988 წ.). ინჟინერ-მეტალურგი. ტექნიკის მეცნიერებათა დოქტორი (1998), პროფესორი (2000). 

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.180; ფერდინანდ თავაძის მეტალურგიისა და მასალათმცოდნეობის ინსტიტუტი: mmi.ge

• 1998 - საქართველოს სახელმწიფო პრემია მეცნიერებისა და ტექნიკის დარგში

• სამთო-მეტალურგიული ენციკლოპედია (თანაავტორი) // ტომი 2 . - თბილისი, შპს "ფორმა", 2020. - 528გვ.. - ISBN: 9789941824647
• სამთო-მეტალურგიული ენციკლოპედია (თანაავტორი) // ტომი 1. - თბილისი, შპს "ფორმა", 2020. - 640გვ.. - ISBN: 9789941824630
• ფოლადის მეტალურგია : სახელმძღვანელო ტექნიკური სასწავლებლის სტუდენტებისათვის და მაგისტრანტებისათვის (თანაავტორი). - თბილისი, მეცნიერება, 2002. - 791გვ. . - ISBN: 9994073508