ზურაბ გასიტაშვილი

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის საინჟინრო ფიზიკის ფაკულტეტი, ელექტრონული ტექნიკის ინჟინრის კვალიფიკაციით, სპეციალობა ნახევარგამტარები და დიელექტრიკები 1979 წელს; 1985 წელს - მოსკოვის მართვის პრობლემების ინსტიტუტის ასპირანტურა.

1979-1983წწ. - გაერთიანება "ელვას" ავტომატიზაციის საკითხებში სამეცნიერო-კვლევითი ინსტიტუტის ინჟინერი; 1985-1986წწ. - გაერთიანება "ელვას" ავტომატიზაციის საკითხებში სამეცნიერო-კვლევითი ინსტიტუტის უმცროსი მეცნიერ-მუშაკი; 1989-1992წწ. – საქართველოს ტექნიკური უნივერსიტეტის საპრობლემო ლაბორატორიის უფროსი მეცნიერ-თანამშრომელი; 1992-1995წწ. - კომპიუტერული და ინფორმაციული ტექნოლოგიების სამეცნიერო-კვლევითი ლაბორატორიის წამყვანი მეცნიერ-მუშაკი, გამოთვლითი ტექნიკის კათედრის დოცენტი; 1995-2005წწ. - კომპიუტერული და ინფორმაციული ტექნოლოგიების სამეცნიერო-კვლევითი ლაბორატორიის ხელმძღვანელი; 1996-2006წწ. - საქართველოს ტექნიკური უნივერსიტეტის კომპიუტერული სისტემების და ქსელების კათედრის პროფესორი; 2006 წლიდან - საქართველოს ტექნიკური უნივერსიტეტის კომპიუტერული სისტემების და ქსელების კათედრის სრული პროფესორი; 2008 წლიდან - საქართველოს საინჟინრო აკადემიის პრეზიდიუმის წევრი, ინფორმატიკისა და მართვის განყოფილების უფროსის მოადგილე; 2008-2009წწ. - საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის კომპიუტერული ინჟინერიის დეპარტამენტის უფროსი; 2009 წლიდან - საქართველოს ტექნიკური უნივერსიტეტის რექტორის მოადგილე სამეცნიერო დარგში; 1999-2004წწ. - საქართველოს ტექნიკური უნივერსიტეტის ინფორმატიკის და მართვის სისტემების ფაკულტეტის სადისერტაციო საბჭოს სწავლული მდივანი; ქართული ელექტრონული სამეცნიერო ჟურნალის სარედაქციო კოლეგიის წევრი; ჟურნალ "სვეტიცხოველის" სარედაქციო საბჭოს წევრი (საქართველოს ტექნიკური უნივერსიტეტის თეოლოგიის კათედრა); 2002 წლიდან - კომპლექსურ ავტომატიზაციის საკითხებში საერთაშორისო კორპორაცია "Invensys Process Systems" LLC წარმომადგენელი საქართველოში. სამეცნიერო მოღვაწეობის სფერო: რთული სისტემების მოდელირების და მართვის თეორია, მათ შორის, სათბობენერგეტიკული კომპლექსების და საგანგებო სიტუაციების მართვის პრობლემები, მოდელირების ინფორმაციული ტექნოლოგიები და კვლევა პოლიტიკურ, სოციალურ, ეკონომიკურ სფეროებში. ინფორმაციული და კომპიუტერული ტექნოლოგიები. ავტორია 80 სამეცნიერო ნაშრომის, 5 მონოგრაფიის და 5 სახელმძღვანელოსი. მიღებული აქვს სამეცნიერო ჯილდოები. მართვის პროცესების ინჟინერი, ტექნიკის მეცნიერებათა დოქტორი (1994), პროფესორი (1997).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.181; საქართველოს ტექნიკური უნივერსიტეტი: gtu.ge; my.gtu.ge

• საერთაშორისო საინჟინრო აკადემია, ნამდვილი წევრი (1995-)
• საქართველოს ეროვნული სამეცნიერო ფონდი, სამეცნიერო საბჭოს წევრი (2005-)
• საქართველოს საინჟინრო აკადემია, ნამდვილი წევრი (1996-)
• საქართველოს შინაგან საქმეთა სამინისტროს საგანგებო სიტუაციათა და სამოქალაქო თავდაცვის დეპარტამენტის სამეცნიერო საექსპერტო საბჭო, წევრი (1998-2003)

• 2003 - ღირსების ორდენი

• ორგანიზაციული ინტელექტუალური სისტემები: მოდელირება, დაპროექტება, ოპერაციათა კვლევა : სახელმძღვ. სტუდ. (თანაავტორი). - თბილისი, ტექნ. უნ-ტი, 2009. - 240გვ. . - ISBN: 9789941146220
• კომპიუტერული ქსელების ინჟინირინგის საფუძვლები (თანაავტორი). - თბილისი, ტექნიკური უნ-ტი, 2008. - 219გვ. . - ISBN: 9789941141942
• სატრანსპორტო ნაკადების მართვისა და დაგეგმარების კომპიუტერული ტექნოლოგიები : სახელმძღვ. (თანაავტორი). - თბილისი, ტექნ. უნ-ტი, 2007. - 237გვ.. - ISBN: 9994057669