ოთარ გელაშვილი

დაბადების ადგილი: დაბა ახალგორი.

დაამთავრა საქართველოს პოლიტექნიკური ინსტიტუტის ავტომექანიკური ფაკულტეტი, სპეციალობა – ავტომობილები და საავტომობილო მეურნეობა, კვალიფიკაცია ინჟინერ-მექანიკოსი 1978 წელს; მოსკოვის საავტომობილო-საგზაო ინსტიტუტის ასპირანტურა 1983 წელს.

1978-1980წწ. - საქართველოს პოლიტექნიკური ინსტიტუტის ავტომობილების მოძრაობის ორგანიზაციისა და უსაფრთხოების სამეცნიერო ლაბორატორიის ინჟინერი; 1980-1983წწ. - მოსკოვის საავტომობილო-საგზაო ინსტიტუტის ასპირანტი; 1983-2001წწ. - საქართველოს პოლიტექნიკური ინსტიტუტის საავტომობილო ტრანსპორტის კათედრის ასისტენტი, უფროსი მასწავლებელი, დოცენტი; 2002 წლიდან საქართველოს ტექნიკური უნივერსიტეტის საავტომობილო ტრანსპორტის დეპარტამენტის პროფესორი; 1995-2005წწ. - საქართველოს ტექნიკური უნივერსიტეტის სატრანსპორტო ფაკულტეტის არასაბიუჯეტო სწავლების განყოფილების უფროსი; 2005 წელს - საქართველოს ტექნიკური უნივერსიტეტის სატრანსპორტო ფაკულტეტის დეკანის მოვალეობის შემსრულებელი; 2006-2007წწ. - სატრანსპორტო და მანქანათმშენებლობის ფაულტეტის დეკანის მოადგილე, სატრანსპორტო დეპარტამენტის უფროსი; 2007-2016წწ. - სატრასნპორტო და მანქანათმშენებლობის ფაკულტეტის დეკანი; 2016-2017წწ. - დეკანის მოადგილე; 2017 წლიდან სატრანსპორტო და მანქანათმშენებლობის ფაკულტეტის დეკანი; 2017 წლიდან - განათლების ხარისხის განვითარების ეროვნული ცენტრის ტრანსპორტის მიმართულების უმაღლესი განათლების დარგობრივი საბჭოს წევრი; 2018 წლიდან - სატრანსპორტო სისტემების სასწავლო-კვლევითი და საექსპერტო ცენტრის ხელმძღვანელი. 2007 წლიდან - სამეცნიერო-ტექნიკური ჟურნალის "ტრანსპორტი და მანქანათმშენებლობა" მთავარი რედაქტორი; 2004 წლიდან - სამეცნიერო-ტექნიკური ჟურნალის "ტრანსპორტი" სარედაქციო საბჭოს წევრი; 2007 წლიდან - საერთაშორისო სამეცნიერი ჟურნალის "მექანიკის პრობლემები" მთავარი რედაქტორის მოადგილე; 2008 წლიდან - საქართველოს ტექნიკური უნივერსიტეტის სასწავლო და სამეცნიერო ლიტერატურის სარედაქციო-საგამომცემლო საბჭოს წევრი. მის მიერ დამუშავებულია ავტომობილების საწვავეკონომიურობისა და ეკოლოგიურობის ამაღლების ახალი მეცნიერული მიმართულება, რომლის შედეგები დანერგილია რუსეთის სხვადასხვა რეგიონის ავტოსატრანსპორტო საწარმოებში, და საქართველოს სხვადასხვა (შ.პ.ს. "საქართველოს რკინიგზა", ს/ს "თელასი" და სხვა) სატრანსპორტო კომპანიებში. გამოქვეყნებული აქვს 160-ზე მეტი სამეცნიერო ნაშრომი. 2005 წელს მიენიჭა "წლის ინჟინრის" წოდება. ინჟინერ-მექანიკოსი, ტექნიკის მეცნიერებათა დოქტორი (2001), პროფესორი (2002).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.182; science.org.ge 

• საქართველოს საინჟინრო აკადემია, ნამდვილი წევრი (2007-)

• ლოგისტიკა : დამხმარე სახელმძღვანელო (თანაავტორი). - თბილისი, ტექნიკური უნივერსიტეტი, 2019. - 172გვ. . - ISBN: 9789941284274
• მიწოდებათა ჯაჭვის მენეჯმენტი : მონოგრაფია (თანაავტორი). - თბილისი, ტექნ. უნ-ტი, 2018. - 752გვ. . - ISBN: 9789941209888
• სატრანსპორტო ლოგისტიკისა და მიწოდებათა ჯაჭვის ეფექტიანობის მეთოდოლოგიური საფუძვლები : მონოგრაფია (თანაავტორი). - თბილისი, ტექნ. უნ-ტი, 2018. - 574გვ.. - ISBN: 9789941280283
• განაწილებისა და დისტრიბუციის პროცესის მენეჯმენტი ლოგისტიკის ცენტრებში : მონოგრაფია (თანაავტორი). - თბილისი, ტექნ. უნ-ტი, 2017. - 542გვ. . - ISBN: 9789941208041
• სატრანსპორტო და სასაწყობო სისტემების ლოგისტიკის მენეჯმენტი : მონოგრაფია (თანაავტორი). - თბილისი, ტექნ. უნ-ტი, 2017. - 568გვ.. - ISBN: 9789941207587