ზვიად კოვზირიძე

დაბადების ადგილი: ქ. თბილისი.

დაამთავრა თბილისის სახელმწიფო ფიზიკური კულტურის ინსტიტუტი, ფიზიკური კულტურისა და სპორტის მასწავლებლის კვალიფიკაციით 1965 წელს; საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი, სპეციალობა: კერამიკისა და ცეცხლმედეგი მასალების ქიმიური ტექნოლოგია 1970 წელს.

1965-1985წწ. - საქართველოს ნაკრების მწვრთნელი და უფროსი მწვრთნელი აკადემიურ ნიჩბოსნობაში; 1971-1975წწ. - საქართველოს პოლიტექნიკური ინსტიტუტის სილიკატების ტექნოლოგიის კათედრასთან არსებული მხატვრული კერამიკისა და მინის ლაბორატორიის უფროსი მეცნიერ-თანამშრომელი; 1975-1982წწ. - სილიკატების ტექნოლოგიის კათედრასთან არსებული მხატვრული კერამიკისა და მინის ლაბორატორიის კერამიკის განყოფილების უფროსი; 1979 წლიდან გერმანიის აკადემიური გაცვლის ბიუროს დაფინანსებით შვიდჯერ იმყოფებოდა გერმანიის სხვადასხვა უნივერსიტეტებში სამეცნიერო მივლინებით; 1982-1987წწ. - სილიკატების ტექნოლოგიის კათედრასთან მისი ინიციატივით დაარსებული სტუდენტთა საკონსტრუქტორო ტექნოლოგიური ბიუროს ხელმძღვანელი; 1986-1990წწ. - საქართველოს პოლიტექნიკური ინსტიტუტის პროფკავშირის გაერთიანებული კომიტეტის თავმჯდომარე; 1987-2001წწ. - სილიკატების ტექნოლოგიის კათედრასთან მისი ინიციატივით დაარსებული კონსტრუქციული და ელექტროსაიზოლაციო კერამიკის ტექნოლოგიური ბიუროს ხელმძღვანელი; 1993-1998წწ. - გერმანიის ფედერაციულ რესპუბლიკაში, ქ. კარლსრუეში, მისი ინიციატივით დაარსებული საქართველო-გერმანიის კულტურის ცენტრის ხელმძღვანელი, შპს "საქართველო-გერმანიის კულტურისა და სამრეწველო ურთიერთობები"-ს პრეზიდენტი; 1996-2000წწ. - გერმანიის ფედერაციულ რესპუბლიკაში, ქ. კარლსრუეში მისი ინიციატივით დაარსებული საქართველო-გერმანიის ხალხთა შორის ურთიერთგაგების, მეცნიერების, კულტურისა და სწავლების საზოგადოების პრეზიდენტი; 2001 წლიდან - მისი ინიციტივით დაარსებული საქართველოს ტექნიკური უნივერსიტეტის კომპოზიციური მასალებისა და ნაკეთობების ტექნოლოგიის მიმართულების ხელმძღვანელი, ამავე მიმართულებასთან არსებული კონსტრუქციული და ელექტროსაიზოლაციო კერამიკის ტექნოლოგიური ბიუროს ხელმძღვანელი, ბიო-ნანოკერამიკული და ნანოკომპოზოციური მასალათმცოდნეობის ცენტრის სამეცნიერო ხელმძღვანელი; 1987 წლიდან - ბადენ-ბადენში, გერმანიაში დაგეგმილი, ორგანიზებული და ჩატარებული აქვს ხუთი საერთაშორისო კონფერენცია, იყო ამ კონფერენციების პრეზიდენტი; 2002 წლიდან - ევროპის კერამიკოსთა საზოგადოების და კერამიკოსთა მსოფლიო ფედერაციის მიერ ყოველწლიურად ორგანიზებული კონფერენციების და კონგრესების საერთაშორისო საორგანიზაციო კომიტეტების წევრი; 1999 წლიდან - სკა ჟურნალის (რეფერირებადი) "კერამიკა" მთავარი რედაქტორი; 2009 წლიდან - საერთაშორისო ჟურნალის "კერამიკის მეცნიერება და ტექნოლოგია" დამფუძნებელი და რედკოლეგიის წევრი; 2013 წლიდან - ევროპის კერამიკოსთა საზოგადოების, როგორც არასამეწარმეო ორგანიზაციის დამფუძნებელი; 2011 წლიდან - საქართველოს ტექნიკური უნივერსიტეტის წარმომადგენლობითი საბჭოს წევრი; 2012 წლიდან - აკადემიური საბჭოს წევრი. სამეცნიერო ნაშრომების ავტორი; სამეცნიერო სფერო: მართვადი ლოკალური ჰიპერთერმია და მაგნიტური ჰიპერთერმია ონკოლოგიური დაავადებების სამკურნალოდ, მაღალი სიმძლავრის კერამიკული ჰეტრომოდულური მასალები, კერამიკული ნანოკომპოზიტები, მულტიფუნქციონალური მასალები. საქართველოს ტექნიკური უნივერსიტეტის ქიმიური და ბიოლოგიური ტექნოლოგიების დეპარტამენტის სრული პროფესორი; კომპოზიციური მასალებისა და ნაკეთობების ტექნოლოგიის მიმართულების ხელმძღვანელი. ტექნიკის მეცნიერებათა დოქტორი (1993), პროფესორი (1996).

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.201; yumpu.com

• ევროპის კერამიკოსთა საზოგადოება, საბჭოს წევრი (2002-)
• კერამიკოსთა მსოფლიო ფედერაცია, საბჭოს წევრი (2007-)
• საქართველოს კერამიკოსთა ასოციაცია, პრეზიდენტი (1998-)

• 1987 - საქართველოს სახელმწიფო პრემია მეცნიერებისა და ტექნიკის დარგში
• 1971 - საქართველოს დამსახურებული მწვრთნელი (აკადემიურ ნიჩბოსნობაში)

• კერამიკული და პოლიმერული კომპოზიტები : მონოგრაფია (თანაავტორი). - თბილისი, ტექნ. უნ-ტი, 2016. - 386გვ. . - ISBN: 9789941206856
• კერამიკული, პოლიმერული და ბიონანოსამედიცინო კომპოზიტების ტექნოლოგია, ინსპექცია, კონტროლი : მეთოდ. მითითებები ლაბორატორიული სამუშაოების შესასრულებლად (თანაავტორი). - თბილისი, ტექნ. უნ-ტი, 2015. - 40გვ.. - ISBN: 9789941205712
• მაღალი სიმძლავრის ჰეტერომოდულური კომპოზიტები (თანაავტორი). - თბილისი, ტექნ. უნ-ტი, 2014. - 354გვ.
• მოწინავე კერამიკული მასალები : მონოგრაფია (ავტორი). - თბილისი, ტექნ. უნ-ტი, 2014. - 314გვ. . - ISBN: 9789941204975
• მასალათა მედეგობა აგრესიული მედიების მიმართ : სახელმძღვ. (თანაავტორი). - თბილისი, ტექნ. უნ-ტი, 2008. - 391გვ. . - ISBN: 9789941140433