შალომ ფიჩხაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ქიმიის ფაკულტეტი 1957 წელს; მოსკოვის ლომონოსოვის სახელობის ფაქიზი ტექნოლოგიის ინსტიტუტი - 1962 წელს.

საფეიქრო ქიმიის სკოლის ჩამომყალიბელი; 150–მდე სამეცნიერო ნაშრომის და ათეულობით გამოგონების ავტორი, რომლებიც დაპატენტებულია იაპონიაში, საფრანგეთში, იტალიაში და ინდოეთში. ადრეული წლებიდან გატაცებული იყო მუსიკით, ბალეტით, ჭადრაკით; სპორტის ოსტატი ჭადრაკში; მისმა კიდევ ერთმა გატაცებამ – ფოტოგრაფიულმა ნამუშევრებმა, ფოტოეტიუდებმა მრავალი ჯილდო დაიმსახურა მსოფლიოს მრავალ ქვეყანაში. შემდგომში, ისრაელის მკვიდრი. ინჟინერ-ტექნოლოგი, ტექნიკის მეცნიერებათა დოქტორი (1995), პროფესორი.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.234; georgianjews.org; ებრაელი მეცნიერები საქართველოდან: jewishcollections.museum.ge

• ნიუ-იორკის მეცნიერებათა აკადემია (აშშ), ნამდვილი წევრი
• საქართველოს საინჟინრო აკადემია, ნამდვილი წევრი

• ნაჯერი ნახშირწყალბადებიდან სინთეზურ ბოჭკოებამდე : აბიტურიენტებისათვის (თანაავტორი). - თბილისი, თბილ. უნ-ტის გამ-ბა, 1997. - 129გვ.
• საფეიქრო ქიმიის ლაბორატორიული პრაქტიკუმი : დამხმ. სახელმძღვ. მსუბუქი მრეწვ. ტექნიკუმის მოსწავლეებისათვის (თანაავტორი). - თბილისი, განათლება, 1990. - 114გვ.
• ქსოვილების გამოყვანა : ბოჭკოვან მასალათა ქიმიური ტექნოლოგია (თანაავტორი). - თბილისი, განათლება, 1980. - 326გვ.
• პოლიაკრილონიტრილის ბოჭკოები და მათი ღებვის მეთოდები (ავტორი). - თბილისი, სამეცნ-ტექნ. ინფორმაციისა და პროპაგანდის ინ-ტი, 1968. - 8გვ.
• პოლიაკრილონიტრილის ბოჭკოს მჟავა საღებარებით ღებვის საკითხისათვის (თანაავტორი). - თბილისი, სამეცნ.-ტექნ. ინფორმ. და პროპაგ. ინ-ტი, 1966. - 14გვ.