
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მიხეილ მამფორია

Date of birth:	19 December, 1901
Date of death:	15 October, 1974 (at 72 years)
Burial location:	მუხათგვერდის სასაფლაო, თბილისი
Category:	Historian, Scientist, Educator

Biography

დაბადების ადგილი: ზედა ეწერი, ზუგდიდის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1927 წელს.

1921-1922 წწ. სამეგრელოს მუზეუმის (დღევ. ზუგდიდის დადიანების სასახლეთა ისტორიულ-არქიტექტურული მუზეუმის) დამაარსებლის - აკაკი ჭანტურიას მიწვევით მუშაობდა მუზეუმის დირექტორის მოადგილედ; 1925-1931 წწ. ეწეოდა პედაგოგიურ მოღვაწეობას მცხეთაში; 1931-1933 წწ. მსახურობდა მცხეთაში განათლების განყოფილების ინსპექტორად, ხოლო მოგვიანებით, იქვე, განათლების განყოფილების გამგედ; 1933-1934 წწ. იყო მცხეთის საშუალო სკოლის დირექტორი; 1934 წელს ჩაირიცხა თბილისის სახელმწიფო უნივერსიტეტის ასპირანტურაში, ძველი ქვეყნების ისტორიის განხრით, რომლის დატოვება მოუწია რეპრესიის შედეგად, ფედერალისტურ მოძრაობაში მონაწილეობის გამო; 1934-1945 წწ. მუშაობდა ისტორიის მასწავლებლად თბილისის მე-14 საშუალო სკოლაში, ხოლო 1945 წლის აპრილიდან 1962 წლის იანვრამდე - საქართველოს განათლების სამინისტროს მეთოდისტად ისტორიის სწავლების დარგში; ამავე პერიოდში ის შეთავსებით მუშაობდა თბილისის მასწავლებელთა დახელოვნების ინსტიტუტში ისტორიის კაბინეტის გამგედ და აგრძელებდა პედაგოგიურ საქმიანობას: 1945-1948 წწ. ლექციებს კითხულობდა საბერძნეთისა და რომის ძველ ისტორიაში სოხუმის, ხოლო 1848-1958 წწ. გორის პედაგოგიურ ინსტიტუტებში; 1962 წლის თებერვლიდან მ. მამფორიამ მუშაობა დაიწყო თბილისის სახელმწიფო უნივერსიტეტში ევროპის და ამერიკის ქვეყნების ახალი და უახლესი ისტორიის კათედრაზე, სადაც სიცოცხლის ბოლომდე (1974 წლამდე) ლექციებს კითხულობდა ისტორიის სწავლების მეთოდიკაში. ისტორიის სწავლების საკითხებისადმი მიძღვნილი აქვს 20-ზე მეტი ნაშრომი, მათ შორის ისტორიის სწავლების მეთოდიკის დამხმარე სახელმძღვანელო, რომლის გამოქვეყნება ვერ მოასწრო მოულოდნელი გარდაცვალების გამო. მ. მამფორია იყო გამორჩეული ბიბლიოფილი და უნიკალური ბიბლიოთეკის პატრონი. მისი პირადი ბიბლიოთეკა გადაეცა შოთა მესხიას ზუგდიდის სახელმწიფო სასწავლო უნივერსიტეტს.

წყარო: კრებული მიძღვნილი მიხეილ მამფორიას და გერმან სიმონიძის ხსოვნისადმი / თსუ; რედ.: მ. კალანდაძე. - თბ., 2005. - 247გვ.

Awards and Honors

1958 - საქართველოს სსრ დამსახურებული მასწავლებლი

Bibliography

ქრესტომათია [ევროპისა და ამერიკის] ახალ ისტორიაში : დამხმარე სახელმძღვანელო სტუდენტებისათვის (Author of introduction) // წ. 1. - თბილისი, თბილ. უნ-ტის გამ-ბა, 1979. - 259გვ.
ქრესტომათია ახალ ისტორიაში (Author) // წ. 1: იტალია. - თბილისი, თბილ. უნ-ტის გამ-ბა, 1979. - 132-154გვ.
ქრესტომათია ახალ ისტორიაში (Author) // წ. 1: სამრეწველო რევოლუცია (გადატრიალება) ინგლისში. - თბილისი, თბილ. უნ-ტის გამ-ბა, 1979. - 56-76გვ.
კლასგარეშე მუშაობა ისტორიაში (ისტორიის წრე) : მეთოდ. მითითება (Editor). - თბილისი, 1973. - 39გვ.
საშუალო სკოლის პროგრამები 1960-61 სასწავლო წლისათვის : ისტორია. სსრ კავშირის კონსტიტუცია (Editor). - თბილისი, ცოდნა, 1960. - 128გვ.