რაისა აბრამია-მიქაძე

დაბადების ადგილი: ქ. ბათუმი.

სწავლობდა თბილისის სამხატვრო აკადემიაში იაკობ ნიკოლაძესთან.

იყო ერთ-ერთი პირველი ქართველი მოქანდაკე ქალი. სტუდენტობის წლებიდანვე მონაწილეობდა გამოფენებში. მისი ნამუშევრებია: "მიჯაჭვული ამირანი","ლადო კეცხოველის პორტრეტი". 1930-იან წლებში შექმნა მსახიობების თამარ ჭავჭავაძის, ვერიკო ანჯაფარიძის ბიუსტები და სხვ. არცერთი ნამუშევარი არ შემორჩენილა. "დიდი საბჭოთა ტერორის" დროს, მეუღლის - არჩილ მიქაძის დაპატიმრების კვალდაკვალ, 1937 წლის 20 ოქტომბერს რაისა აბრამია-მიქაძე საქართველოს სსრ შინსახკომმა დააპატიმრა, როგორც - "ხალხის მტრის" ოჯახის წევრი. 1938 წლის 7 იანვარს, საქართველოს სსრ შინსახკომის განსაკუთრებულმა სათათბირომ რაისა აბრამია-მიქაძეს 8 წლით პატიმრობა მიუსაჯა "შრომა-გასწორების კოლონიაში", გადასახლებული იყო შორეულ აღმოსავლეთში, ბანაკში - პოტმაში. პატიმრობიდან გაათავისუფლეს ვადაზე ადრე, 1944 წლის 20 მაისს. რეაბილიტირებული იქნა 1955 წლის 29 ოქტომბერს საქართველს სსრ უმაღლესი სასამართლოს მიერ. მუშაობდა კინოსტუდია "ქართულ ფილმში" რედაქტორად. რეპრესირებული.

წყარო: საზოგადოებრივი არქივი:  archive.ge