კოლია იშხნელი

დაბადების ადგილი: სოფელი არადეთი, ახლანდელი ქარელის მუნიციპალიტეტი.
დაამთავრა სუმის კადეტთა კორპუსი (1910); მიხეილის საარტილერიო სასწავლებელი.

წარმომავლობით იყო თბილისის გუბერნიის აზნაურთა ოჯახიდან. 1913 წლიდან კავკასიის 1-ლი მსროლელი საარტილერიო დივიზიონის პოდპორუჩიკი; ამავე შენაერთის შემადგენლობაში მონაწილეობდა I მსოფლიო ომში (1914-1918); ჰქონდა პორუჩიკის (1915), შტაბს-კაპიტნის (1916), კაპიტნის (1917) წოდებები; 1918-1921წწ. მსახურობდა საქართველოს რესპუბლიკის არმიაში პოდპოლკოვნიკის ჩინით, შემდეგ ქართულ წითელ არმიაში (დივიზიონის მეთაურის თანაშემწე); მონაწილეობდა 1922-1924 წლების ანტისაბჭოთა წინააღმდეგობის მოძრაობაში; შემდეგ მუშაობდა სამხედრო საქმის პედაგოგად თბილისის სახელმწიფო უნივერსიტეტში; 1937 წელს დააპატიმრეს "კონტრრევოლუციური" საქმიანობის ბრალდებით და დახვრიტეს. პოდპოლკოვნიკი.

წყარო: 1914-1918 წლებში დიდი ომის გმირების ხსოვნას: gwar.mil.ru

• 1916 - წმინდა ანას IV ხარისხის ორდენი
• 1915 - წმინდა ანას III ხარისხის ორდენი
• 1915 - წმინდა სტანისლავის II ხარისხის ორდენი