
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

რევაზ ჩხაიძე

Date of birth:	11 August, 1921
Date of death:	26 February, 2009 (at 87 years)
Category:	Public official, Scientist, Educator

Biography

დაბადების ადგილი: ქ. ბათუმი.

დაამთავრა ბათუმის N1 საშუალო სკოლა და იმავე წელს გაიწვიეს საბჭოთა არმიის რიგებში. 5 წლის განმავლობაში იბრძოდა მეორე მსოფლიო ომის სხვადასხვა ფრონტზე ბომბდამშენი ავიაციის შემადგენლობაში. შესრულებული აქვს 314 საბრძოლო გაფრენა. დაჯილდოებულია საბრძოლო ორდენებითა და მედლებით. 1945 წელს მარშალ არჩილ გელოვანის მიერ წარდგენილი იყო საბჭოთა კავშირის გმირის წოდების მოსაპოვებლად.

ომიდან დაბრუნების შემდეგ, 1951 წელს, დაამთავრა სასოფლო-სამეურნეო ინსტიტუტის ტექნოლოგიის ფაკულტეტი, შემდეგ ასპირანტურა; 1954 წელს დაიცვა საკანდიდატო დისერტაცია და მოიპოვა ტექნიკის მეცნიერებათა კანდიდატის სამეცნიერო ხარისხი; ერთი წლის განმავლობაში მუშაობდა ამავე ინსტიტუტის ასპირანტურის გამგედ, ასისტენტად; 1955-1960წწ. იყო ქუთაისის სასოფლო-სამეურნეო ინსტიტუტის დოცენტი; 1960-1963წწ. - საქართველოს სასოფლო სამეურნეო ინსტიტუტის დოცენტი; მუშაობა გააგრძელა საქართველოს კვების მრეწველობის კვლევითი ინსტიტუტის განყოფილების გამგედ და დირექტორის მოადგილედ სამეცნიერო დარგში; 1969 გადაიყვანეს საქართველოს სუბტროპიკული მეურნეობის ინსტიტუტის პრორექტორად სასწავლო დარგში; 1973-1975წწ. იყო ინტიტუტის რექტორი; 1975 წლიდან - საქართველოს კვების მრეწველობის მინისტრის მოადგილე; 1983 წლიდან - კვების მრეწველობის სამეცნიერო-კვლევითი ინსტიტუტის დირექტორის მოადგილე და განყოფილების გამგე; 1993-1997წწ. - სოფლის მეურნეობის მეცნიერებათა აკადემიის სწავლული მდივანი, შემდეგ - კომერციული ინსტიტუტის პროფესორი; 1997 წელს აირჩიეს თბილისის სახელმწიფო უნივერსიტეტის პროფესორად, სადაც სიცოცხლის ბოლომდე მსახურობდა. გამოქვეყნებული აქვს 72 სამეცნიერო ნაშრომი, მონოგრაფია; მიღებული აქვს გამოგონების 13 საავტორო მოწმობა; წლების განმავლობაში იყო აფხაზეთის უმაღლესი საბჭოს დეპუტატი, საქართველოს კვების მრეწველობის მუშაკთა პროფკავშირების რესპუბლიკური კომიტეტის წევრი, ომის ვეტერანთა საბჭოს თავმჯდომარის მოადგილე. ტექნიკის მეცნიერებათა კანდიდატი (1954), პროფესორი (1972).

წყარო: აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University/იმერ ბასილაძე, ნესტან კუტივაძე. -ქუთაისი, 2013. -გვ.101-102

Awards and Honors

მედალი "კენიგსბერგის აღებისთვის"
მედალი "სტალინგრადის დაცვისთვის"
წითელი ვარსკვლავის ორდენი
სამამულო ომის I ხარისხის ორდენი
წითელი დროშის ორდენი

Bibliography

კვების მრეწველობის ზოგადი ტექნოლოგიის კურსი : მიკროეკონომიკისა და მენეჯმენტის ფაკ. სტუდ. (Author). - თბილისი, თბილ. უნ-ტის გამ-ბა, 1999. - 180გვ. . - ISBN: 999283160X
მეორეული ნედლეული და მისი გამოყენება კვების მრეწველობაში (Co-Author). - თბილისი, საბჭ. საქართველო, 1989. - 167გვ.
უკანასკნელი საბრძოლო გაფრენა : [ფრონტული ჩანაწერები] (Author). - თბილისი, მერანი, 1985. - 130გვ.