გიორგი მანაგაძე

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1993 წელს.

1994-1998წწ. - ალ. წულუკიძის სახელობის უროლოგიის სამეცნიერო-კვლევითი ინსტიტუტის უმცროსი მეცნიერ-თანამშრომელი; 1998-2000წწ. - უფროსი მეცნიერ-თანამშრომელი; 2001 წლიდან - უროლოგიის ეროვნული ცენტრის სამეთვალყურეო საბჭოს წევრი; 2001-2011წწ. - უფროსი ორდინატორი; 2012 წლიდან - უროლოგიის ეროვნული ცენტრის გენერალური დირექტორი. 65-ზე მეტი სამეცნიერო ნაშრომის ავტორი; სამეცნიერო ინტერესების სფერო: ლაზერის გამოყენება უროლოგიაში; შარდ-კენჭოვანი დაავადების, შარდსადენი მილის ენდოსკოპიური ქირურგია; ტრანსურეთრული ქირურგია; ონკოუროლოგია. ექიმი-უროლოგი, მედიცინის მეცნიერებათა დოქტორი (2006).

საკანდიდატო დისერტაციის თემა - "თბილისის ტოპრაკი". მეთოდიკა, ქირურგიული ტექნიკა, ოპტიმიზაცია", დაიცვა 1997 წელს; სადოქტორო დისერტაციის თემა - "გაფართოებული ლიმფადენქტომია რადიკალური ცისტექტომიის დროს: საზღვრები, მოცულობა, მეთოდოლოგია", დაიცვა 2006 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.349; mkurnali.ge

• ევროპის უროლოგთა ასოციაცია, წევრი
• საქართველოს უროლოგთა ასოციაცია, წევრი