ომარ ქორთოშიძე

დაბადების ადგილი: სოფელი ომალო, ახმეტის რაიონი.

1983-1985 წლებში იყო სამხედრო სამსახურში, შემდეგ მუშაობდა თელავის პოლიციაში. 1990 წელს ჩააბარა ვიბორგის (რუსეთი) საავიაციო სასწავლებელში. 1993 წლის 1 ივლისს საქართველოს თავდაცვის სამინისტროს პირველი საარმიო კორპუსის მეთაურის N135/40 ბრძანების საფუძველზე დაინიშნა საქართველოს ეროვნული გვარდიის საავიაციო ნაწილში (N55069) მფრინავი შტურმანის თანამდებობაზე. იგი მონაწილეობას იღებდა საბრძოლო ოპერაციებში, აფხაზეთში საქართველოს ტერიტორიული მთლიანობის დასაცავად. 1993 წლის 7 ივლისს მი-8 ტიპის შვეულმფრენით ეკიპაჟთან ერთად, საბრძოლო დავალების შესრულების დროს უგზოუკვალოდ იქნა დაკარგული. საქართველოს საავიაციო სასწავლებელში დაწესებულია საქართველოს შეიარაღებული ძალების ეროვნული გვარდიის ყოფილი სამხედრო მფრინავის, ომარ ქორთოშიძის სახელობის სტიპენდია. კაპიტანი.

წყარო: mematiane.ge