ვერონიკა ჩხეიძე

დაბადების ადგილი: ქ. პეტროგრადი.

მან ბავშვობა გაატარა პეტროგრადში, ტფილისსა და ფუთში.
1917 წლის თებერვლის რევოლუციის შემდეგ, ჩხეიძეების ოჯახს ტრაგედია დაატყდა თავს; პეტროგრადში ცხოვრება უფრო და უფრო რთულდებოდა; ნოემბერში, ბოლშევიკური გადატრიალების შემდეგ, ოჯახმა დატოვა პეტროგრადი და თბილისს მიაშურა; საქართველოში ოჯახი ცხოვრობდა 1919 წლის იანვრამდე - შემდეგ, კარლო ჩხეიძე, საქართველოს დემოკრატიული რესპუბლიკის დელეგაციის ხელმძღვანელის რანგით გაემგზავრა პარიზის საზავო კონფერენციაზე; ალექსანდრა და ვერონიკა მასთან ერთად გადავიდნენ დროებით საცხოვრებლად პარიზში; გარკვეული ხნის შემდეგ დედა-შვილი საქართველოში დაბრუნდნენ; 1921 წლის თებერვალ-მარტში, საქართველოს საბჭოთა რუსეთის მიერ ოკუპირების გამო კარლო ჩხეიძის ოჯახი კვლავ საფრანგეთში ემიგრაციაში გაემგზავრა; 1922 წლის ზაფხულიდან ოჯახი ემიგრანტული მთავრობის მიერ შეძენილ ლევილის მამულში დასახლდა; ვერონიკამ სწავლა დაიწყო კერძო პანსიონში; სწავლა განაგრძო საბუღალტრო პროფესიის ათვისებისათვის; შემდგომ წლებში მუშაობდა სხვადასხვა სავაჭრო კომპანიებში; 1940-იანი წლებიდან ვერონიკა კვლავ დაუახლოვდა ქართული ემიგრაციის წრეებს; ვერონიკა ჩხეიძე ხანგრძლივი და მძიმე ავადმყოფობის შემდეგ პარიზში, საავადმყოფოში გარდაიცვალა.

წყარო: საზოგადოებრივი არქივი: archive.ge