გურამ ლებანიძე

დაამთავრა თბილისის სახელმწიფო უნივერსიტეტის დასავლეთ ევროპული ენებისა და ლიტერატურის ფაკულტეტის ფრანგული ფილოლოგიის განყოფილება.

იკვლევდა რომანულ ენებს, ასევე ლინგვისტიკისა და ენის ფილოსოფიის, კულტუროლოგიის უმნიშვნელოვანეს, აქტუალურ საკითხებს; მისი სამეცნიერო-კვლევითი და პედაგოგიური მოღვაწეობა ძირითადად უცხო ენათა ინსტიტუტთან იყო დაკავშირებული; მუშაობდა ენისა და კულტურის სახელმწიფო უნივერსიტეტის პრორექტორის თანამდებობაზე; 2009 წელს ილიას უნივერსიტეტმა პროფესორს ემერიტუსის საპატიო წოდება მიანიჭა; 2017 წლიდან მულტიდისციპლინარული მკვლევარი, "კავკასიური სახლის" კულტურულ-საგანმანათლებლო პროგრამის მსმენელთათვის კითხულობდა ლექციების სამ სპეციალურ კურსს: "სახარებისეული ტექსტი და თანამედროვე აზროვნება", "პედაგოგიკა და განათლების სისტემა", "არასწორხაზოვანი აზროვნება"; რამდენიმე ენაზე ჰქონდა გამოქვეყნებული ასობით სამეცნიერო-კვლევითი ნაშრომი და მონოგრაფიები, მათ შორის: "დასავლეთი" (2000), "კულტუროლოგიის საფუძვლები" (2004), "კომუნიკაციური ლინგვისტიკა" (2005); 2020 წელს "კავკასიურმა სახლმა" გამოსცა გურამ ლებანიძის ფუნდამენტური გამოკვლევა 593-გვერდიანი წიგნი "რილკეს ელეგიები", რომელიც 2020 წელს ლიტერატურული კონკურსის "საბა"-ს ფინალში, კრიტიკის ნომინაციაში მონაწილეობდა. პროფესორი, ლინგვისტი.

სადოქტორო დისერტაციის თემა - "ანთროპოცენტრიზმი და კომუნიკაციური ლინგვისტიკა", დაიცვა 1999 წელს.

წყარო: პოეზიარი - ავტორთა წარმოჩენა: facebook.com; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.315

• კულტუროლოგიის საფუძვლები = Grundlagen der Kulturologie : ლექციების კურსი (ავტორი). - თბილისი, ენა და კულტურა, 2004. - 162გვ.. - ISBN: 9994023489
• დასავლეთი : ლექციები დასავლეთის ჰერმენევტიკაში (ავტორი). - თბილისი, ენა და კულტურა, 2000. - 165გვ.. - ISBN: 999288651X
• ანთროპოცენტრიზმი და კომუნიკაციური ლინგვისტიკა : თეორიული სინთეზი (ავტორი). - თბილისი, ენა და კულტურა, 1998. - 175გვ.
• ლექციები ენათმეცნიერების შესავალსა და ზოგად ენათმეცნიერებაში : ზოგადთეორიული საკითხები (ავტორი). - თბილისი, ენა და კულტურა, 1997. - 192გვ.