ბიძინა კიკნაძე

დაბადების ადგილი: სოფელი დიმი, ბაღდათის რაიონი.

დაამთავრა თბილისის სახელმწიფო სამედიცინო ინსტიტუტი 1953 წელს.

მეორე მსოფლიო ომის მონაწილე; იბრძოდა უკრაინის მეორე ფრონტზე; ქ. მოსკოვში, ექიმთა დახელოვნების ცენტრალურ ინსტიტუტში გავლილი ქონდა კვალიფიკაციის ამაღლების კურსების (1956, 1975) ციკლი, ბავშვთა პტიზიატრის სპეციალობით და 48 წელი ემსახურა ამ საქმეს; სამუშაო გამოცდილება: 1956-1966წწ. იყო კოჯრისა და ბეთანიის ბავშვთა სახლების ექიმი; 1966-1984წწ. დაბა კოჯრის ძვალ-სახსრის ტუბერკულიოზის სკოლა-სანატორიუმ "ალიონი"-ს მთავარი ექიმი; 1984-1988წწ. კოჯრის ბავშვთა სანატორიუმების ("ალიონი", "გაზაფხული", "განთიადი" და "დილა") გაერთიანების გენერალური დირექტორი; 1988-2000წწ. სანატორიუმ "ალიონის" ხელმძღვანელი; საქართველოსა და კავკასიაში მას, ასევე იცნობდნენ, როგორც პროფესიონალ მონადირესა და მოგზაურს; შემოვლილი ჰქონდა ყაბარდოს, ბალყარეთის, ჩეჩნეთის, ინგუშეთის, ოსეთის, დაღესტნის, სომხეთისა და აზერბაიჯანის სანადირო სავარგულები. ბიძინა კიკნაძემ, შვილთან (გ. კიკნაძე) თანაავტორობით, თავისი მდიდარი მონადირული თავგადასავალი 2002 წელს გამოაქვეყნა წიგნში: "ნადირობის ტრფიალი". აღზრდილი ყავს ექიმ-პტიზიატრთა არაერთი თაობა. ბავშვთა პტიზიატრი.

• საქართველოს მონადირეთა კავშირი, წევრი (1945-2014)

• 1985 - სამამულო ომის ორდენი
  მეორე მსოფლიო ომის საბრძოლო მოქმედებებში მონაწილეობისთვი
• 1982 - საქართველოს დამსახურებული ექიმი
• 1943 - მედალი "საბრძოლო დამსახურებისთვის"

• ნადირობის ტრფიალი (ავტორი). - თბილისი, 2002. - 120გვ.