იზა ჭუჭულაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1962 წელს, 1965 წელს - თსუ ასპირანტურა გენეტიკის განხრით.

1964 წელს გაიარა სტაჟირება ლენინგრადის (სანკტ-პეტერბურგის) უნივერსიტეტის გენეტიკის კათედრაზე; 1966 წლიდან იყო თსუ გენეტიკის კათედრის ასისტენტი; 1972 წელს მიენიჭა დოცენტის წოდება; 1990 წელს აირჩიეს გენეტიკის კათედრის პროფესორად, 1991 წელს კი მიენიჭა პროფესორის წოდება. ი. ჭუჭულაშვილმა მოღვაწეობის მნიშვნელოვანი ნაწილი დაუთმო პედაგოგიურ საქმიანობას - კითხულობდა ზოგადი ბიოლოგიის, გენეტიკისა და ბიოევოლუციის სალექციო კურსებს ბიოლოგიისა და ფსიქოლოგიის ფაკულტეტებზე; თსუ გენეტიკის კათედრაზე მან ჩამოაყალიბა საფუარის გენეტიკის ლაბორატორია და საფუძველი ჩაუყარა საქართველოში გავრცელებული ღვინის საფუარის ადგილობრივი ფორმების კერძო გენეტიკის საკითხების კვლევას; მისი ხელმძღვანელობით მომზადდა 5 სადისერტაციო ნაშრომი; არის 4 სახელმძღვანელოს, 80-ზე მეტი სამეცნიერო, მეთოდური და პოპულარული ნაშრომის, ქართული ენციკლოპედიისათვის დაწერილი სტატიების ავტორი.

საკანდიდატო დისერტაციის თემა - "საქართველოში გამოყოფილი ჰომოთალური საფუვრების გენეტიკური შესწავლა", დაიცვა 1971 წელს.

• მიკროევოლუციის საფუძვლები : სახელმძღვ. ბიოლ. სპეც. სტუდ. (თანაავტორი). - თბილისი, თბილ. უნ-ტის გამ-ბა, 2005. - 311გვ.. - ISBN: 99940-38-43-5
• სამედიცინო ბიოლოგია : პრაქტიკული კურსი : სახელმძღვ. უმაღლ. სასწ. სტუდ. (თანაავტორი). - თბილისი, 2000. - 313გვ.
• ბიოლოგია : კითხვა-პასუხები, ამოცანები, ტესტები : სახელმძღვ. საშ. სკოლის მოსწ. (თანაავტორი). - თბილისი, 1997. - 316გვ.
• გენეტიკური ამოცანების კრებული (თანაავტორი). - თბილისი, თბილ. უნ-ტის გამ-ბა, 1975. - 65გვ.