ალექსანდრე ალაშვილი

დაბადებიდ ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1962 წელს.

უმაღლესი სასწავლებლის დამთავრების შემდეგ მუშაობა დაიწყო ქ. თბილისის ლენინის რაიონის სამშენებლო-სარემონტო სამმართველოში მშენებელ ოსტატად, სადაც მუშაობდა 1965 წლამდე; 1965-1967წწ. მუშაობდა საქართველოს მშენებლობის სამინისტროს №13 სამშენებლო ტრესტის მოპირკეთების სამმართველოს სპეციალური უბნის უფროსად; 1967-1970წწ. საქართველოს მშენებლობის სამინისტროს №1 სამშენებლო ტრესტ "ამიერკავკასმერალურგმშენის" სამშენებლო სამმართველოში მშენებელ ოსტატად, სამუშაოთა მწარმოებლად; 1971-1972წწ. თბილისის ზონალურ სამეცნიერო-კვლევით და ექსპერიმენტული პროექტების ინსტიტუტის სახარჯთაღრიცხვო განყოფილებაში - ინჟინრად; 1973-1990წწ. მშენებლობის სამინისტროს №13 სამსენებლო ტრესტის სამშენებლო სამმართველოში სამუშაოთა მწარმოებლად, უფროს სამუშაოთა მწარმოებლად; 1990-1995წწ. საქართველოს განათლების სამინისტროსთან არსებული სამშენებლო სამმართველოს ჯერ სამუშაოთა მწარმოებლად, შემდეგ კი მთავარ ინჟინრად; 1995-1998წწ. გარდაბნის რაიონის სამშენებლო ნაკეთობათა და მექანიკური ქარხნის დირექტორად; 1998 წლიდან ეწეოდა კერძო სამეწარმეო საქმიანობას სამშენებლო მასალების წარმოების სფეროში, ინდმეწარმის სტატუსით; მრავალწლოვანი შრომითი საქმიანობისა და დამსახურებისათვის დაჯილდოებული იყო სხვადასხვა საუწყებო ჯილდოებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.41-42

• შრომის წითელი დროშის ორდენი