თამაზ ამბროლაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის გეოლოგიის ფაკულტეტი, ჰიდროგეოლოგიის სპეციალობით 1960 წელს.

1960 წელს მუშაობა დაიწყო სახელმწიფო საპროექტო ინსტიტუტ "საქგიპროშახტში" ინჟინრად, სადაც მუშაობდა 1962 წლამდე; 1962-1968წწ. მუშაობდა საქართველოს პოლიტექნიკურ ინსტიტუტში, ჰიდრავლიკისა და ჰიდრონაგებობების კათედრაზე; 1962-1965წწ. იყო კათედრის ასპირანტი, შემდეგ ლაბორანტი და ასისტენტი; 1968-2006წწ. ეწეოდა პედაგოგიურ მოღვაწეობას საქართველოს პოლიტექნიკური ინსტიტუტის ჰიდრავლიკის კათედრაზე, პედაგოგ-დოცენტის სტატუსით; 1970-1973წწ. იყო საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტის სამეცნიერო საბჭოს სწავლული მდივანი; 1973-1976წწ. მუშაობდა ჰიდროტექნიკისა და სანტექნიკის ფაკულტეტის დეკანის მოადგილედ; 1976-1985წწ. იყო საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტის დეკანი; 2006-2017წწ. არჩეული იყო საქართველოს ტექნიკური უნივერსიტეტის ჰიდროინჟინერიის დეპარტამენტის ასოცირებულ პროფესორად და ეწეოდა პედაგოგიურ მოღვაწეობას, ჰიდრავლიკისა და საინჟინრო ეკოლოგიის მიმართულებით; ავტორია 50-ზე მეტი სამეცნიერო ნაშრომის, 2 სახელმძღვანელოს, დამხმარე სახელმძღვანელოსა და სასწავლო-მეთოდური ლიტერატურის; იყო საერთაშორისო კონგრესის სარედაქციო კოლეგიის წევრი (2009); მრავალწლიანი სამეცნიერო-პედაგოგიური მოღვაწეობისათვის მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.45

• ჰიდრავლიკა, ჰიდროლოგია, ჰიდრომეტრია : სახელმძღვანელო (თანაავტორი). - თბილისი, ტექნ. უნ-ტი, 2013. - 462გვ.. - ISBN: 9789941203800
• წყლის მეურნეობა : დამხმარე სახელმძღვანელო (თანაავტორი). - თბილისი, ტექნ. უნ-ტი, 2009. - 392გვ.. - ISBN: 9789941145902
• ლაბორატორიული პრაქტიკუმი ჰიდრავლიკაში (თანაავტორი). - თბილისი, 1978. - 120გვ.
• ლაბორატორიული პრაქტიკუმი ჰიდრავლიკაში (თანაავტორი). - თბილისი, საქართველოს პოლიტექნ. ინ-ტი, 1974. - 134გვ.