ფრიდონ არაბული

დაბადების ადგილი: სოფელი ნოჯიკეთი, დუშეთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი თბოაირმომარაგება ვენტილაციის სპეციალობით 1963 წელს.

1963-1978წწ. მუშაობს სსრკ სატრანსპორტო მშენებლობის სამინისტროს, სამშენებლო-სამონტაჟო ტრესტ "ამიერკავკასტრანსმშენის" სისტემაში, სამშენებლო-სამონტაჟო მატარებელ №332 და №349-ში, მშენებელ ოსტატად სამუშაოთა მწარმოებლად, უბნის უფროსისა და სამმართველოს მთავარი ინჟინრის თანამდებობაზე; მისი უშუალო მონაწილეობითა და ხელმძღვანელობით ხორციელდებოდა ამიერკავკასიის რკინიგზის მაგისტრალზე მეორე ლიანდაგების მშენებლობა შესაბამისი ინფრასტრუქტურით და მაგისტრალის სრული ელექტროფიკაციის სამუშაოები; 1979-1987წწ. ხელმძღვანელობდა "მარაბდა-ახალქალაქის" საერთაშორისო მნიშვნელობის სარკინიგზო მაგისტრალის ერთ-ერთი უბნის მშენებლობას; 1988 წლიდან მუშაობდა საქართველოს სასოფლო მშენებლობის სამინისტროს სისტემაში, სპეციალიზებული მოძრავ მექანიზებული კოლონის უფროსის თანამდებობაზე; აღნიშნული კოლონის მიერ აშენებულ იქნა საცხოვრებელი კომპლექსი, სტიქიით დაზარალებული სვანეთისა და საჩხერის რაიონების მოსახლეობისათვის, თეთრიწყაროს რაიონის სოფ. საქადაგიანოში; 1993 წლიდან ზემოაღნიშნული მოძრავი მექანიზებული კოლონა გადაკეთდა ს.ს. "კლდეკარ"-ად, რომლის გენერალურ დირექტორად მუშაობდა აღნიშნული პერიოდიდან და ეწეოდა სხვადასხვა სახის სამშენებლო-სამონტაჟო სამუშაოების შესრულებას საცხოვრებელი და საყოფაცხოვრებო დანიშნულების ობიექტებზე; მრავალწლიანი შრომითი საქმიანობისა და დამსახურებისათვის მიღებული აქვს ჯილდოები და საპატიო სიგელები, მათ შორის საქართველოს სსრ უმაღლესი საბჭოს სიგელი "მარაბდა-ახალქალაქის" სარკინიგზო მაგისტრალის მშენებლობისთვის. 

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.46

• საქართველოს უმაღლესი საბჭოს სიგელი
  "მარაბდა-ახალქალაქის" სარკინიგზო მაგისტრალის მშენებლობისათვის