თამარ არჩვაძე

დაბაბების ადგილი: ქ. ბაქო.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი. არქიტექტურის სპეციალობით 1977 წელს; საცხოვრებელი სახლების ექსპერიმენტული პროექტირების სსრკ ცენტრალური სამეცნიერო-კვლევითი ინსტიტუტის ასპირანტურა 1983 წელს.

1977-1988წწ. მუშაობდა თბილისის სახელმწიფო საპროექტო ინსტიტუტ "თბილქალაქპროექტი"-ს IV შემოქმედებითი სახელოსნოს არქიტექტორად; 1988-1993წწ. იმავე სახელოსნოს უფროს არქიტექტორად; 1993-2011წწ. იყო სსი "თბილქალაქპროექტის" II შემოქმედებითი სახელოსნოს I კატეგორიის არქიტექტორი; 1996-2006წწ. შეთავსებით ეწეოდა პედაგოგიურ მოღვაწეობას; იყო თბილისის სახელმწიფო სამხატვრო აკადემიის არქიტექტურის ფაკულტეტის ჯერ მასწავლებელი, შემდეგ კი უფროსი მასწავლებელი, სადიპლომო პროექტების ხელმძღვანელი; 2006 წლიდან იყო თბილისის სახელმწიფო სამხატვრო აკადემიის არქიტექტურის ფაკულტეტის ასისტენტ-პროფესორი; 2015 წლიდან აკადემიის დოქტორანტი; 2014 წელს გაიარა კვალიფიკაციის ამაღლების კურსები საქართველოს არქიტექტორთა კავშირში; მისი ავტორობითა და თანაავტორობით დაპროექტებულ იქნა რიგი მნიშვნელოვანი ობიექტები. მათ შორის: მრავალფუნქციური ნაგებობა 450 ადგილზე ქ. თბილისში, ვარკეთილის III მ/რაიონი (1988), ვარკეთილისა და ზღვის უბნის საცხოვრებელი მ/რაიონების პროექტი (1988), "ვარდების პარკი" ტერიტორიის რეკონსტრუქცია (1990), 9 სართულიანი საცხოვრებელი სახლი ქ. თბილისში, ნინოშვილისა და თამარ მეფის გამზირის კვეთაზე, საშუალო სკოლის შენობის რეკონსტრუქცია ქ. თბილისში (2002); მონაწილეობდა კონკურსში "ქალაქური ტიპის ორსართულიანი საცხოვრებელი სახლი", სპეციალური ალბომის შესაქმნელად (1998); 2003-2005წწ. მონაწილეობდა ერთობლივ ღონისძიებებში, რომელიც ჩაატარეს ქ. კაიზერსლაუტერნის (გერმანია) ურბანული დაგეგმარების უნივერსიტეტმა და თბილისის სამხატვრო აკადემიამ (კვლევითი სამუშაოები და სტუდენტური კონკურსები); 2011 წელს სამხატვრო აკადემიის სტუდენტებმა მიიღეს მონაწილეობა კონკურსში "საგამოფენო კომპლექსი ქ. ფოთში" და მისი ხელმძღვანელობით სტუდენტების მიერ შედგენილმა პროექრმა მიიღო I პრემია; მონაწილეობდა სხვადასხვა სამეცნიერო კონფერენციაში; ავტორია სამეცნიერო ნაშრომების: "საქართველოს ქალაქების გეგმარებითი სტრუქტურის განვითარების შესახებ" და "ქალაქების განაშენიანებაში მრავალფუნქციური ქალაქმშენებლობითი სტრუქტურების განვითარების შესახებ"; თანაავტორია გამოგონების - "მზის ენერგიაზე მომუშავე უნივერსალური ჩაის საკრეფი აპარატები" - დიზაინის განხრით.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.48-50