რევაზ ასათიანი

დაბადების ადგილი: ქ. თბილისი.

დაამთრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და საქალაქო მშენებლობის სპეციალობით 1973 წელს.

უმაღლესი სასწავლებლის დამთავრების შემდეგ მუშაობა დაიწყო სახელმწიფო საპროექტო ინსტიტუტ "საქქალაქმშენსახპროექტში" ინჟინერ-კონსტრუქტორად; მუშაობდა საქართველოს მეცნიერებათა აკადემიის კ. ზავრიევის სახელობის სამშენებლო მექანიკისა და სეისმომედეგობის სამეცნიერო-კვლევით ინსტიტუტში უფროს ინჟინრად; წლების განმავლობაში მუშაობდა საქართველოს პროფკავშირების კურორტების მართვის რესპუბლიკური საბჭოს საპროექტო და სამშენებლო-სარემონტო გაერთიანების უფროსად; მისი მონაწილეობითა და ხელმძღვანელობით დაპროექტებულ იქნა, აშენდა და რეკონსტრუქცია ჩაუტარდა რიგ საკურორტო დანიშნულების ობიექტებს, მათ შორის: დასასვენებელ სახლებს "ლიკანს" და "მთის ხეობას" ქ. ბორჯომში, საკონცერტო დარბაზებს ქ. წყალტუბოსა და დ. ლიკანში, სანატორიუმ "უწერასა" და დასასვენებელ სახლ "ჯავას", №2, №5 და №6 აბაზანებს ქ. წყალტუბოში და სანატორიუმ "ახტალას" დაბა ახტალაში; განხორციელდა კურორტების მართვის რესპუბლიკური საბჭოს არქიტექტორული ფორმებისა და მხატვრული გაფორმების კომბინატის მშენებლობა; არის 2 გამოგონებისა და სამეცნიერო შრომების ავტორი.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.51

• 2022 - თბილისის საპატიო მოქალაქე
• საქართველოს სახელმწიფო პრემია
  მეცნიერებისა და ტექნიკის დარგში, გამოგონებისათვის "ხის ნაკეთობათა გაჟღენთვა გოგირდის ნადნობში"
• ღირსების ორდენი