გაგა ლომოური

დაბადების ადგილი: ქ. ბათუმი.

დაამთავრა ბათუმის სახელმწიფო საზღვაო აკადემია ინჟინერ - გემთწამყვანის სპეციალობით 2003 წელს; ინჟინერ - ეკონომისტის სპეციალობებით 2004 წელს; 2009-2012 წლებში სწავლობდა საქართველოს ტექნიკური უნივერსიტეტის სატრანსპორტო-მანქანათმშენებლობის ფაკულტეტზე; 2012 წელს სატრანსპორტო ლოჯისტიკაში დაიცვა სადოქტორო ხარისხი.

2012-2013 წწ. სამსახურშია, საქართველოს საზღვაო ტრანსპორტის სააგენტოს სახელმწიფო დროშის კონტროლის განყოფილების უფროსის - სახელმწიფო დროშის ინსპექტორის თანამდებობაზე და გემების რეგისტრაციისა და სახელმწიფო დროშის კონტროლის სამმართველოში; ზღვაში საქმიანობა ჯერ კიდევ საზღვაო აკადემიის კურსანტობისას დაიწყო; 2001 წლიდან თავდაპირველად საგემბანო კადეტად, მოგვიანებით კი ჯუნიორ-ოფიცრად ცურავდა გერმანული სანაოსნო კომპანია Columbia Shipmanagement -ის ტანკერებზე «LAKE LISI» (ყოფილი «დავით ბაქრაძე») და «NODA STAR» (ყოფილი «ნოდარ დუმბაძე»); 2005 წლიდან შორეული ნაოსნობის შტურმანი, კაპიტნის  მე-3 და მეორე თანაშემწე კომპანია Columbia Shipmanagement-ის და V-SHIPS-ის ტანკერებზე; 2009-2015 წწ. სანაოსნო კომპანია Columbia Shipmanagement -ისა და OCEAN TANKERS -ის გემების კაპიტნის უფროსი თანაშემწე; 2015 წელს შორეული ნაოსნობის კაპიტნის რანგში სანაოსნო კომპანია «ELSERI»-ის ტანკერ «LEOPARD MOON»-ის ეკიპაჟის მეთაურობა ჩაიბარა; საერთაშორისო საზღვაო ინსტიტუტის (AFNI) წევრი 2012 წლიდან; საზღვაო ტრანსპორტის მართვის საკითხებზე სხვადასხვა პუბლიცისტურ გამოცემებში მათ შორის საერთაშორისო საზღვაო ჟურნალ "SEAWAYS"-ში გამოქვეყნებული სტატიების, მოსაზრებებისა და ნოვატორული იდეების ავტორი; 2021 წლიდან დიდი თხევად-გაზმზიდის (VLGC) კაპიტანი. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com