ლევან ცაგარელი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტი გერმანულ ფილოლოგიის განხრით 2004 წელს; სწავლობდა შედარებით ლიტერატურათმცოდნეობასა და სკანდინავისტიკას ჰამბურგის (2001, 2006), ვენისა (2002, 2009) და სტოკჰოლმის (2005) უნივერსიტეტებში.

2006-2009 წწ. იყო ივანე ჯავახიშვილის სახელობის თბილისის სახელმწიფო უნივერსიტეტის ასისტენტ-პროფესორი და ამავე უნივერსიტეტის ჰუმანიტარულ მეცნიერებათა ფაკულტეტის სასწავლო პროცესის მართვის უფროსი სპეციალისტი; 2009 წლიდან მუშაობს ილიას სახელმწიფო უნივერსიტეტში; 2010-2011წწ. იყო ამავე უნივერსიტეტის მეცნიერებათა და ხელოვნების ფაკულტეტის დეკანი; ხანმოკლე კვლევითი მივლინებების ფარგლებში იმყოფებოდა ზაარბრიუკენის (2008), დიუსელდორფის (2010, 2013, 2014, 2016), ბერლინში ჰუმბოლტის (2014, 2017), ვენისა (2009, 2015) და ფრიბურგის (2016) უნივერსიტეტებში; ფრიდრიხ შილერის უნივერსიტეტში (ქ. იენა, გერმანია) ჩატარებული აქვს სემინარი ქართული კულტურის ზოგიერთი ასპექტი და მათი რეპრეზენტაცია ლიტერატურაში, ხოლო 2019 წელს ჰუმბოლტის უნივერსიტეტში - სემინარები გერმანულ-ქართული ინტერკულტურული ლიტერატურის შესახებ; 2016 წლიდან თავმჯდომარეობს გერმანული ენის საზოგადოების (GfdS) ქართულ განყოფილებას; 2016-2018წწ. მონაწილეობს კვლევით პროექტში "ქართველთა კულტურული ნაკვალევი გერმანიაში" (შოთა რუსთაველის ეროვნული სამეცნიერო ფონდი); 2017 წლიდან არის განათლების ხარისხის განვითარების ეროვნული ცენტრის უმაღლესი საგანმანათლებლო პროგრამების აკრედიტაციის ექსპერტი; 2018 წლიდან  იმავე ცენტრის ავტორიზაციის ექსპერტი. პროფესორი.

სადოქტორო დისერტაციის თემა - "არნო შმიტის გვიანდელი პროზა როგორც მეტაფიქცია" (2008). 

წყარო: ილიას სახელმწიფო უნივერსიტეტი: faculty.iliauni.edu.ge; transcript-verlag.de

• Chancen und Schwierigkeiten des interkulturellen Dialogs über ästhetische Fragen : Unter besonderer Berücksichtigung der Entwicklungen in der Kaukasusregion (Co-Author). - Wien , Lit Verl., 2016. - 212p.. - ISBN: 9783643507143