ზაზა მახარაძე

დაამთავრა ბათუმის სახელმწიფო საზღვაო აკადემია მაგისტრობასთან გათანაბრებული სპეციალობით -"გემთწამყვანობა საზღვაო გზებზე" 1998 წელს.

ზღვაში საქმიანობა თავდაპირველად მატროსად 2000 წელს დაიწყო, მსოფლიოს ერთ-ერთ წამყვან სანაოსნო კომპანია «Columbia Shipmanagement Ltd»-ში; ამავე კომპანიის გემებზე 2001 წელს იგი ჯერ მესამე, შემდეგ მეორე, 2006 წელს კი კაპიტნის უფროსი თანაშემწე გახდა; 2006 წლიდან საქმიანობას ნაპირზე განაგრძობს, «ბათუმის ნავთობტერმინალი» -ს გემების სატვირთო ოპერაციების ხელმძღვანელის პოზიციაზე; 2007–2009 წწ. იგი ბათუმის საზღვაო ნავსადგურის უშიშროების ოფიცრის მოვალეობასაც ასრულებდა; 2009 წლიდან სანაოსნო კომპანია «Columbia Shipmanagement Ltd»-ის გემების კაპიტნის უფროს თანაშემწედ კვლავ ზღვაშია; 2011 წელს კი ამავე კომპანიის წარდგინებით შორეული ნაოსნობის კაპიტანი გახდა; 2012 წლიდან, უკვე საკმაო გამოცდილების მქონე შტურმან-გემთწამყვანი საქმიანობას საჯარო სამსახურში განაგრძობს, საქართველოს საზღვაო ტრანსპორტის სააგენტოს საზღვაო უსაფრთხოების დეპარტამენტის უფროსად და დირექტორის მოადგილის მოვალეობის შემსრულებელად; 2016 წლიდან საქართველოს ეკონომიკისა და მდგრადი განვითარების სამინისტროს სსიპ «საზღვაო ტრანსპორტის სააგენტო» -ს დირექტორის პირველი მოადგილეა. სანაოსნო კომპანია «Columbia Shipmanagement Ltd»-ის მოქმედი შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა"