ჯანსუყი ბასილაძე

დაბადების ადგილი: სოფელი ჭოგნარი, თერჯოლის რაიონი.

დაამთავრა საქართველოს პოლიტექნიკური ინსტიტუტის საღამოს დასწრებული სამშენებლო ფაკულტეტი ქ. ქუთაისში, სამრეწველო და სამოქალაქო მშენებლობის სპეციალობით 1972 წელს.

1966 წლიდან მუშაობდა საქართველოს მშენებლობის სამინისტროს №4 სამშენებლო ტრესტის №9 სამშენებლო სამმართველოში მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1973 წელს დაინიშნა №4 სამშენებლო ტრესტის მთავარ დისპეტჩერად; 1975 წლიდან იყო ტრესტის საწარმოო განყოფილების უფროსი; 1981-1993წწ. დაინიშნა ტრესტის მმართველის მოადგილედ, კადრებისა და ყოფაცხოვრების დარგში; 1991-1993წწ. აქტიურად მონაწილეობდა მიწისძვრით დაზარალებული ონის რაიონის საცხოვრებელი სახლებისა და სხვადასხვა დანიშნულების შენობა-ნაგებობების აღდგენითი სამუშაოების შესრულებაში; 1993-2008წწ. ქ. მოსკოვის მერიის მიწვევით მუშაობდა ქალაქის სხვადასხვა დანიშნულების ობიექტების მშენებლობაზე; სამშენებლო ორგანიზაციამ, შპს "მინსკაია-2", სადაც იგი მუშაობდა, ააშენა 18-მდე საცხოვრებელი კომპლექსი; მათ შორის აღსანიშნავია საცხოვრებელი კომპლექსები "ოქროს გასაღები" და "ოქროს სასახლე"; საქართველოში დაბრუნების შემდეგ, 2009 წლიდან მუშაობს კომპანიებში "ბკ კაპიტალი" და "ბკ კონსტრაქშენი"; 2013-2017წწ. მუშაობდა "ივერიის ყოვლადწმინდა ღვთისმშობლის ხატის" სახელობის ტაძრის მშენებლობაზე; სამშენებლო პროცესის პარალელურად, ზემოაღნიშნულ კომპანიებში ხელმძღვანელობს კადრებისა და ყოფაცხოვრების საკითხებს; მრავალწლიანი შრომითი საქმიანობისა და დამსახურებისათვის მიღებული აქვს საუწყებო და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ.59-60

• 1981 - მედალი "შრომითი მამაცობისთვის"
  ქუთაისის ავტოქარხნის რეკონსტრუქციაში შეტანილი წვლილისთვის