
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ილია წულუკიძე

Date of birth:	28 February, 1950
Date of death:	13 January, 2022 (at 71 years)
Category:	Public official, Lawyer

Biography

დაბადების ადგილი: ქ. ბათუმი.

დაამთავრა საქართველოს სახელმწიფო პოლიტექნიკური ინსტიტუტის სატრანსპორტო ფაკულტეტი ინჟინერ-ელექტრომექანიკოსის სპეციალობით 1974 წელს; ბაქოს უმაღლესი პარტიული სკოლა 1987 წელს და მიიღო უმაღლესი პარტიულ-პოლიტიკური განათლება; 1996 წელს დაუსწრებლად დაამთავრა ოდესის სახელმწიფო უნივერსიტეტის იურიდიული ფაკულტეტი იურისტ-სამართალმცოდნის სპეციალობით.

1974-1975 წლებში მსახურობდა საბჭოთა ჯარში; 1975-1977 წლებში მუშაობდა ბათუმის №44 სამშენებლო პროფესიულ-ტექნიკურ სასწავლებელში ტექნიკური ხაზვის მასწავლებლად; 1977-1991 წლებში იმყოფებოდა კომკავშირულ, პარტიულ და საბჭოთა ორგანოების სამსახურში; 1991-1997 წლებში მუშაობდა სხვადასხვა პასუხსაგებ თანამდებობებზე; 1997-1998 წლებში მუშაობდა აჭარის ავტონომიური რესპუბლიკის მინისტრთა საბჭოს თავმჯდომარის პირველ მოადგილედ; 1998-1999 და 2001-2003 წლებში იყო აჭარის ავტონომიური რესპუბლიკის შინაგან საქმეთა მინისტრი; 2000-2001 წლებში მუშაობდა აჭარის ავტონომიური რესპუბლიკის კონტროლის პალატის თავმჯდომარედ, ქ. ბათუმის ვიცე-მერად და მერის მოვალეობის შემსრულებლად; 2004 წლის 10 ივლისს საქართველოს გენერალური პროკურორის მიერ კანონის დარღვევით იქნა მიჩნეული ბრალდებულად და წინასწარ პატიმრობაში იქნა აყვანილი; 2004 წლის 4 სექტემბერს სისხლის სამართლის საქმისა და მის მიმართ სისხლის სამართლებრივი დევნის შეწყვეტის შედეგად განთავისუფლდა პატიმრობიდან. 2004 წლიდან, როგორც სერტიფიცირებული პედაგოგი ეწეოდა საადვოკატო პრაქტიკას. საქართველოს უშიშროების მინისტრის ბრძნებით დაჯილდოებულია სახელობითი ცეცხლსასროლი იარაღით (1994), საქართველოს შსს უწყებრივი ჯილდოთი (2001), აჭარის ა/რ უზენაესი საბჭოს საპატიო სიგელით (2001), სომხეთის რესპუბლიკის გრიგორ ნარეკაცის სახელობის უნივერსიტეტის საპატიო დოქტორის სამეცნიერო ხარისხით (2001), საქართველოს შსს დამსახურებული მუშაკის საპატიო წოდებით (2002), უკრაინის შსს უწყებრივი ჯილდოთი (2003). საქართველოს შსს პოლიციის აკადემიის საპატიო პროფესორი (2003).

წყარო: შექმენი საკუთარი ისტორია: mematiane.ge

Member of Organizations

აჭარის ავტონომიურ რესპუბლიკაში საქართველოს სამხედრო ისტორიის საზოგადოება, თავმჯდომარე (2019-2021)

Awards and Honors

2020 - წმინდა გიორგის სახელობის გამარჯვების ორდენი
განსაკუთრებული დამსახურებისათვის საქართველოს სამხედრო ისტორიის საზოგადოების წინაშე
2000 - ღირსების ორდენი
სამშობლოს წინაშე დამსახურებისათვის