თამაზ ბოლქვაძე

დაბადების ადგიოლი: სოფელი კორტოხი, ხულოს რაიონი.

დაამთავრა ქ. ნოვოსიბირსკის რკინიგზის ტრანსპორტის ინჟინერთა ინსტიტუტი და მიენიჭა ინჟინერ-მშენებლის კვალიფიკაცია 1972 წელს.

1972-1975წწ. მუშაობდა ქ. ტიუმენის ტრესტ "ტიუმენგაზმშენი"-ს სისტემაში მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1975-1980წწ. საქართველოში დაბრუნების შემდეგ, მუშაობდა საქართველოს ადგილობრივი მრეწველობის სამინისტროს შუახევის რაისამრეწველო კომბინატის დირექტორად; 1980-1989წწ. მუშაობდა საქართველოს სასოფლო მშენებლობის სამინისტროს შუახევის მოძრავ-მექანიზებული კოლონის უფროსად; 1989-1999წწ. საქართველოს სასოფლო მშენებლობის სამინისტროს №10 სამშენებლო ტრესტის მთავარ ინჟინრად; 1999-2003წწ. იყო შპს "კონსტრუქტორი 21"-ის სამუშაოთა მწარმოებელი, 2004 წლიდან მუშაობს შპს "გუმბათი ჯგუფი"-ს უფროს სამუშაოთა მწარმოებლად; მისი უშუალო მონაწილეობითა და ხელმძღვანელობით აჭარის ავტონომიურირესპუბლიკის ტერიტორიაზე აშენდა არაერთი მნიშვნელოვანი სასოფლო-სამეურნეო, კულტურულ-საგანმანათლებლო და ინფრასტრუქტურული დანიშნულების ობიექტები; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 71

• 2017 - საქართველოს დამსახურებული მშენებელი