ვლადიმერ ბოკუჩავა

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1941 წელს.

1941 წელს მოხალისედ წავიდა სამამულო ომში, მონაწილეობდა ქერჩის ბრძოლაში; 1942 წლის აპრილში მძიმედ დაიჭრა და მოხვდა თბილისის ერთ-ერთ ჰოსპიტალში; მკულნალობის შემდეგ მუშაობა დაიწყო "საქპურტრესტის" სისტემაში ინჟინერ-მშენებლად; გასული საუკუნის 70-იანი წლებიდან იგი ხელს ჰკიდებს მშენებლობაში ბრტყელი, წყალგაუჟონავი სახურავების მასობრივად გამოყენებისა და დანერგვის საქმეს; ამ სიახლეს მან წარმატებით გაართვა თავი. შეიმუშავა ორიგინალური რეცეპტი; დაამზადა საცდელი ხსნარი; შემდეგ კი რუსთავის მეტალურგიულ ქარხანასთან გააშენა მექანიზებული საამქრო; დაიწყო წყალგაუმტარი პანელების მასობრივი გამოშვება; ასეთი სახურავები გამოყენებულია ბორის პაიჭაძის სახელობის სტადიონის ტრიბუნების, თბილისის ცენტრალური ავტოსადგურის, ცენტრალური ტელეგრაფის, რუსთავის მთელი რიგი ნაგებობების, აჭარის მაღლივი შენობების სახურავებზე.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 72-73

• საქართველოს დამსახურებული გამომგონებელი