ბადრი ნაკაშიძე

დაბადების ადგილი: ხელვაჩაური.

დაამთავრა ქ. მოსკოვის მ. ვ. ლომონოსოვის სახელობის სახელმწიფო უნივერსიტეტის იურიდიული ფაკულტეტი 1985 წელს; ამავე უნივერსიტეტის ასპირანტურა - 1989 წელს.

1988-1990წწ. - ბათუმის სახელმწიფო უნივერსიტეტის მასწავლებელი, უფროსი მასწავლებელი, დოცენტი; 1988-2002წწ. - ბათუმის შოთა რუსთაველის სახელმწიფო უნივერსიტეტი, მასწავლებელი, დოცენტი, პროფესორი; 1990-1991წწ. - აჭარის პროკურატურის კანონმდებლობის აღსრულებისადმი საერთო ზედამხედველობის განყოფილების პროკურორი, უფროსი პროკურორი; 1991-1992წწ. - ქალაქ ბათუმის საკრებულოს წევრი; 1997-1999წწ. - თბილისის სახელმწიფო უნივერსიტეტი, იურიდიული ფაკულტეტი, სახელმწიფო და ადმინისტრაციული სამართლის კათედრის დოცენტი, პროფესორი; 1991-2002წწ. - აჭარის უმაღლესი საბჭოს სამი მოწვევის დეპუტატი და იურიდიულ საკითხთა, ადამიანის უფლებებისა და რეგიონალური პოლიტიკის კომიტეტის თავმჯდომარე; 1999-2000წწ. - ევროპის საბჭოს ადგილობრივი და რეგიონალური ხელისუფლების კონგრესში საქართველოს დელეგაციის წევრი; 2002-2006წწ. - ქ. მოსკოვის მ. ვ. ლომონოსოვის სახელობის სახელმწიფო უნივერსიტეტი, სახელმწიფო მართვის ფაკულტეტის სამართლებრივი საფუძვლების კათედრის პროფესორი; 2006-2017წწ. - ამავე ფაკულტეტის კათედრის გამგე; 2017 წლიდან - აჭარის განათლების კულტურისა და სპორტის მინისტრი. 40-ზე მეტი სამეცნიერო ნაშრომის ავტორი. იურიდიულ მეცნიერებათა დოქტორი (1994), პროფესორი. 

სადოქტორო დისერტაციის თემა - "ადგილობრივი თვითმმართველობის ფორმირების სამართლებრივ-პოლიტიკური პრობლემები საქართველოს რესპუბლიკაში", დაიცვა 1994 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.558; საქართველოს პარლამენტი: old.parliament.ge; აჭარის ავტონომიური რესპულიკის მთავრობის ერთიანი პორტალი: adjara.gov.ge

• აჭარის ავტონომიური რესპუბლიკის იუსტიციის საბჭო, წევრი (1997-2000)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის იურიდიული კომისია, წევრი (1992-1995)

• თვითმმართველობა საქართველოში: სამართლ.-პოლიტ. პრობლემები (ავტორი). - ბათუმი, აჭარა, 1994. - 192გვ.
• მოქალაქეთა კრებები საცხოვრებელი ადგილის მიხედვით თანამედროვე პირობებში (ავტორი). - ბათუმი, აჭარა, 1991. - 159გვ.