როსტომ გაჩეჩილაძე

დაბადების ადგილი: სოფელი წევა, ზესტაფონის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, ჰიდროტექნიკურ ნაგებობათა მშენებლობის სპაციალობით 1951 წელს.

1951-1952წწ. მუშაობდა სსრკ ენერგეტიკისა და ელექტროფიკაციის სამინისტროს სამშენებლო-სამონტაჟო ტრესტ "საქჰიდროენერგომშენის" სისტემაში - სიონის წყალსაცავის მშენებლობაზე; 1953-1958წწ. მუშაობდა გუმათის ჰესების კასკადისა და ლაჯანურჰესის მშენებლობაზე; შემდეგ "თბილსრესის" მშენებლობაზე; 1978-1980წწ. მივლინებულ იყო ირანის რესპუბლიკაში, რამინის თბოელექტროსადგურის მსენებლობაზე; აღნიშნულ მშენებლობაზე გაწეული შრომისათვის ირანის მთავრობის მიერ დაჯილდოებულ იქნა საპატიო მედლით; 1981 წლიდან მუშაობდა "თბილსრესის" №9 ბლოკის მშენებლობაზე, ჯერ სამშენებლო სამმართველოს უფროსის მოადგილედ, შემდეგ კი სამმართველოს უფროსის თანამდებობაზე; დიდი წვლილი აქვს შეტანილი საქართველოს ენერგოსისტემის განვითარების საქმეში; მრავალწლიანი შრომითი საქმიანობისა და დამსახურებისათვის, საბჭოთა კავშირის უმაღლესი საბჭოს პრეზიდიუმის ბრძანებულებით დაჯილდოებულ იქნა "ოქტომბრის რევოლუციის" ორდენით და სხვა სახელმწიფო ჯილდოებით; მიღებული ჰქონდა საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 79-80

• ოქტომბრის რევოლუციის ორდენი
• საპატიო ენერგეტიკოსი
  სსრკ ენერგეტიკისა და ელექტროფიკაციის სამინისტროს გადაწყვეტილებით