თამაზ გერაძე

დაბადების ადგილი: სოფელი ბაში, სამრედიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1981 წელს.

1981-1985წწ. მუშაობდა საქართველოს მშენებლობის სამინისტროს №2 მექანიზაციის სპეციალიზებულ ტრესტსი საწარმოო-ტექნიკური განყოფილების ინჟინრად, უფროს ინჟინრად; 1985-1993წწ. მუშაობდა საქართველოს მშენებლობის სამინისტროს 34 სამშენებლო ტრესტის №3 სამშენებლო სამმართველოს საწარმოო-ტექნიკური განყოფილების უფროსად; 1993-2001წწ. სამუშაოდ გადავიდა ქ. მოსკოვში, სადაც მუშაობდა სამშენებლო ფირმა "ბემ"-შისაწარმოო-ტექნიკური განყოფილების უფროსად; 2001-2007წწ. იყო ყულევის ნავთობისა და ნავთობპროდუქტების გადამტვირთავი საზღვაო ტერმინალის მშენებლობის საწარმოო-ტექნიკური განყოფილების ინჟინერი; 2007-2009წწ. კვლავ ქ. მოსკოვში მუშაობდა სამშენებლო ფირმა "მინსკაია-2"-ში, საწარმოო-ტექნიკური განყოფილების უფროსად; 2009 წლიდან, საქართველოში დაბრუნების შემდეგმუშაობს ქ. თბილისში შპს "ბკ კაპიტალი"-სა და შპს "ბკ კონსთრაქშენი"-ს საწარმოო-ტექნიკური განყოფილების უფროსად; დიდი წვლილი აქვს შეტანილი ისეთი მნიშვნელოვანი სამშენებლო პროექტების წარმატებით განხორციელებაში, როგორებიცაა: მიწისძვრით დაზარალებული ონის რაიონის საზოგადოებრივი და საყოფაცხოვრებო ობიექტების აღდგენითი სამუშაოების შესრულება (1991-1993), ელიტარული საცხოვრებელი კომპლექსი ქ. მოსკოვში, მინსკის ქუჩაზე (1995-1998), "ივერიის ყოვლადწმინდა ღვთისმშობლის ხატის" სახელობის ტაძრის მშენებლობა ქ. თბილისში, მახათას მთაზე (2013-2017), მრავალბინიანი საცხოვრებელი კომპლექსების მშენებლობა: კარტოზიას ქუჩაზე, ყაზბეგის გამზირზე და ჭავჭავაძის გამზირზე, ქ. თბილისში და სხვა; მრავალწლიანი შრომითი საქმიანობისა და დამსახურებისათვის მიღებული აქვს საუწყებო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 86-87