ჟანა თოიძე

დაბადების ადგილი: ქ. მოსკოვი.

დაამთავრა ფალიაშვილის სახელობის სახელმწიფო ცენტრალური მუსიკალური (ნიჭიერთა) ათწლედი 1956 წელს; შოთა რუსთაველის სახელობის სახელმწიფო თეატრალური ინსტიტუტის ვოკალური განყოფილება - 1961 წელს.

სწავლის დასრულების შემდეგ პედაგოგად მუშაობდა ზაქარია ფალიაშვილის სახელობის II სამუსიკო სასწავლებელში; 1964-2011წწ. - შოთა რუსთაველის სახელობის სახელმწიფო თეატრალური ინსტიტუტის პედაგოგი; 1963-1973წწ. - საქართველოს სახელმწიფო ფილარმონიის სოლისტი კამერულ კლასში; მოხსენებებით და გაკვეთილებით მონაწილეობდა რესპუბლიკურ და საკავშირო ვოკალურ კონფერენციებში თბილისის, პეტარბურგის, ეკატერინბურგის, კიევის, ოდესის კონსერვატორიებში; 1976-1978წწ. სარაჯიშვილის სახელობის სახელმწიფო კონსერვატორიაში დაამთავრა ასპირანტურა და აქვე სოლო სიმღერის კათედრაზე, პროფესორ ნოდა ანდღულაძის ხელმძღვანელობით, მუშაობდა უფროს მეცნიერ-მუშაკად; ამავე წლებში საქართველოს ტელევიზიის კორესპონდენტი იყო მუსიკალურ რედაქციაში, მუშაობდა კონსულტანტად საქართველოს სახელმწიფო კაპელაში. გამოქვეყნებული აქვს ავტორეფერატები, სამეცნიერო-კვლევითი ნაშრომები თეზისების სახით და რეცენზიები საოპერო სპექტაკლებსა და კონცერტებზე ჟურნალებში: "თეატრი და ცხოვრება", "თეატრალური მოამბე", "საბჭოთა ხელოვნება", "ხელოვნება", "ომეგა"; კრებულში: "ძიებანი"; გაზეთებში: "დურუჯი", "Вечерний Тбилиси", "Свободная Грузия", და სხვ. ვოკალის პედაგოგი, ხელოვნებათმცოდნეობის მეცნიერებათა დოქტორი (1997), პროფესორი (1999).

საკანდიდატო დისერტაციის თემა - "К вопросу становления и развития профессионального образования в Грузии", დაიცვა 1981 წელს; სადოქტორო დისერტაციის თემა - "თანამედროვე ქართული საოპერო რეჟისურა და მომღერალ მსახიობის აღზრდის პრობლემები XX საუკუნის დამლევს", დაიცვა 1997 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.584; თეატრისა და კინოს სახელმწიფო უნივერსიტეტის გამომცემლობა "კენტავრი" : facebook.com

• სასიმღერო ხმის წარმართვის მეთოდი : სახელმძღვანელო (თანაავტორი). - თბილისი, კენტავრი, 2018. - 194გვ.. - ISBN: 9789941952296